27 май 2014 20:32Оcиёи Марказӣ / Қазоқистон

Талаби табибон аз вакилон: Фурӯши нос манъ шавад

Бузургтарин Анҷуманҳои тиббии Қазоқистон бори дигар аз вакилони парлумони ин кишвар хостаанд, фурӯши носро манъ кунанд.

Ин бори аввал нест, ки табибон бонги изтироб мезананд. Ба иддаои онҳо нос ва снюс (як навъи маводи тамоку) метавонад хатари ҷиддие барои сиҳатии аҳолӣ бошад,-хабар медиҳад Total.kz.

Ассосиатсияи воҳиди дандонпизишкони Қазоқистон, Анҷумани миллии тиббӣ ва Эътилофи “Барои Қазоқистони озод аз дуди тамоку!” дар муроҷиатномае ба вакилони маҷлиси парлумони Қазоқистон тақозои пуштибонӣ аз “манъи истеҳсол, фурӯш ва паҳн кардани нос ва снюс”-ро кардаанд.

“Ҳоло гуруҳи корӣ тарҳи қонун “Дар бораи ворид кардани тағиру иловаҳо дар Кодекси Қазоқистон “Дар бораи сиҳатии мардум ва низоми тандурустӣ”-ро баррасӣ мекунад”,-навиштааст манбаъ.

Табибон муътақиданд, ки бидуни манъ кардан, теъдоди қазоқистониҳое, ки зери забон ва лаб нос ва снюс мегузоранд, метавонад ба ҳазор маротиба афзоиш ёбад. Далели ин афзоиш маъруфияти онҳо гуфта мешавад. Бино ба оморҳо беш аз 10 дар сади қазоқистониҳо ба нос ва снюс таваҷҷуҳ доштаанд, ки 4,7 дар сади онҳо занонанд. Як назарсанҷӣ маълум карда, ки 1 миллиону 690 ҳазор шаҳрванди Қазоқистон ба ин намуди тамоку “муътод” будаанд.

Нос як навъи маводи тамоку аст, ки дар кишварҳои Осиёи Марказӣ бештар истифода мешавад.

Мӯҳр

Хабарҳои монанд:

Хакикатгу

Хаминро да точикистон чори мекардан

Ҷавоб диҳед Иқтибос Шикоят

ТочикчонС

ОЗОДАГОН ЧАРО ДАР ТОЧИКИСТОН ЧУНИН КОНУНХО НАМЕБАРОРАНД БИГЗОР ДАР ТОЧИКИСТОН ФУРУХТАНИ НОС ТАМОКУРО МАНЪ КУНАНД БИГЗОР ДАР КОДЕКСИ ЧИНОЯТИ МО ХАМ ТАЪГИРОТ ВОРИД НАМОЯНД ХОХИШ МЕКУНАМ ОИДИ ХАМИН МАСЪАЛА ДАР ТОЧИКСТОН ЯК БАРНОМАИ МУКАМАЛ АНЧОМ ДИХЕД БОВАРИ ДОРАМ ХАЛКИ ТОЧИК АЗ ШУМО БИСЁР МИНАТДОР МЕШАВАД.

Ҷавоб диҳед Иқтибос Шикоят

Гуспанд

А таджикскому правительству наплевать кто что и чем балуется, главное чтобы работал как раб и платил налоги чтоб они жили....

Ҷавоб диҳед Иқтибос Шикоят

Мухаммад

Бехтарин кор. Ифлостарин ва касифтарин мавод нос аст. Кош дар мо хам носкашону носфурушон хамин чизро мефахмиданд.

Ҷавоб диҳед Иқтибос Шикоят

Халими -носкаш

ба ингуна найрангхо дода нашавед вакилон, зеро ягона маводи оромкунандаи асаби камбагалон хамин нос аст. Агар носкаши манъ шавад ошубу исёнхо хатман зиёд мешавад. ин нос аст ки мо мезанему гами дунёро фаромуш мекунем

Ҷавоб диҳед Иқтибос Шикоят

Эзоҳ илова кунед