Пешниҳоди номи Мамадбоқир Мамадбоқиров ва... Толиб Айёмбеков барои музокирот
Ба ин феҳрист номи Музаффар Давлатмиров – халифа, Фаромуз Эргашев – корманди созмони “Лигаи ҳуқуқшиносон”, Толиб Айёмбеков – намояндаи шаҳраки “Хлебзавод”, Мамадбоқир Мамадбоқиров – намояндаи ҷамоати Бархоруғ, Зоир Раҷабов – намояндаи ҷамоати УПД, Ёғибек Ёғибеков – намонядаи ҷомеаи шаҳрвандӣ, Холбаш Холбашев -- фармондеҳи сардори раёсати нерӯҳои марзбонии Бадахшон, Алим Шерзамонов – раиси ҲСДТ дар ин вилоят ва Улфатхонум Мамадшоева – раҳбари созмони “Номус ва Инсоф” шомиланд. Аммо то ҳол “ҳа” ё “не”-и ин афрод барои музокирот бо ҳукумат аз номи эътирозгарон рӯшан нест.
Бо ин вуҷуд, ҳоло дар Хоруғ, маркази вилояти Бадахшон, тазоҳуроти сокинон, асосан ҷавонон идома дорад ва ҷомеаи шаҳрвандӣ низ бо ирсоли нома ба Эмомалӣ Раҳмон – раисиҷумҳури Тоҷикистон, Маҷлиси Намояндагону маҷлиси Бадахшон ва созмонҳои байналмилалӣ нуҳ талаби худро дар миён гузоштаанд. Дар ин нома, аз вазъи Хоруғ шадидан нигаронӣ шуда, сабабгори чунин ҳолат “бесалоҳиятӣ”-и мақомоти интизомӣ арзёбӣ шудааст.
Ҷомеаи шаҳрвандӣ дар Хоруғ дар номаи худ хостааст, “кумисюне, ки ба тозагӣ аз ҳисоби намояндагони раисиҷумҳур, Додситонии кулл, ВКД, КДАМ, роҳбарони сохторҳои интизомии Бадахшон, намояндагои аҳзоби сиёсӣ, ВАО, коршиносон, созмонҳои ғайридавлатии маҳаллӣ, Шӯрои куҳансолон ва ҳуқуқшиносон васеъ карда шавад” ва ба хотири ба миён овардани шароити мусоиди кори кумисюн “ҷонибҳо аз баёни ҳаргуна изҳороти шитобкорона ва тасдиқношуда худдорӣ варзанд”.
Муаллифони нома дар идома барканории раҳбарони раёсати умури дохилӣ, амнияти миллӣ ва додситонӣ дар Хоруғу вилояти Бадахшон ва “онҳое, ки дар ин қазия манфиат доранд”, талаб кардаанд. Онҳо, инчунин, гуфтаанд, иҷлосияи ғайринавбатии Маҷлиси Бадахшон зери унвони “Дар бораи вазъи Бадахшон” даъват шуда, натиҷаи кори кумисюн бояд ба раисиҷумҳур ва ҳукумат пешниҳод гардад ва дар тамоми расонаҳою шабакаҳои иҷтимоӣ нашр гардад.
“Аз сабаби пароканда будани гирдиҳамоӣ аз ҳукумати Хоруғ даъват мешавад, барои қонунӣ шумурдани он мусоидат ва иштирокдоронашро аз масъулият озод кунад”,-омадааст дар номаи ҷомеаи шаҳрвандии Хоруғ. Дар охир гуфта шудааст, бояд кафолатнома ва санаи хоси иҷрои ин талабнома хаттӣ пешниҳод гардад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
