16 май 2014 16:09Тоҷикистон / Сиёсат

Писари Гул Шералӣ ва домоди президент консул шуд

Ашраф Гулов, домоди Эмомалӣ Раҳмон – раисиҷумҳури Тоҷикистон ва писари Гул Шералӣ – вазири собиқи энержӣ ва саноат роҳбари Хадамоти консулии сафорати кишвар дар Русия таъин шудааст. Муҳаммади Эгамзод, як масъули сафорат, ин таъинотро “ротатсияи одии кормандони дипломатӣ аз тарафи Вазорати умури хориҷии кишвар” унвон кард.

Ӯ гуфт, бар асоси қарори Вазорати умури хориҷӣ масъулияти Садбарг Ғаниева ба ҳайси роҳбари Хадамоти консулии сафорати Тоҷикистон дар Русия ба анҷом расида, аз ин ба баъд номбурда дар Душанбе корашро идома хоҳад дод. Ба қавли Муҳаммад Эгамзод, Ашраф Гулов ба фаъолияти худ алакай шурӯъ кардааст.

“Ашраф Гулов мутахассиси арзанда аст. Умедворем, бо оғози фаъолият мушкили шаҳрвандони мо ҳалли худро меёбад”,-афзуд мусоҳиби мо.

Бояд гуфт, Ашраф Гулов дар Шӯрои кишварҳои Аврупо ва Амрико ба ҳайси ноиби дувум ва баъдан ҳамчун котиби аввали сафорати Тоҷикистон дар шоҳигарии Белгия ва намояндаи Тоҷикистон дар назди НАТО, Институтҳои Итиҳоди Аврупо, Парлумон ва Шӯрои Аврупо низ кор кардааст. Ӯ то замони рафтанаш ба консулгарии Тоҷикистон ба Русия сардори раёсати аудити дохилии Кумитаи андози кишвар буд. Аз ин пештар раёсати андозсупорандагони бузурги ин ниҳодро бар уҳда дошт.

Мӯҳр

Хабарҳои монанд:

ангур

Ин Гулов ягон мушкили шахрванди моро хал намекунад. Аник ки дар умраш ягон китоб нахондааст, фамилияи худашро базур менависад, забони русиро умуман намефахмад ба гайр аз здравствуй досвидания. Наход дар Точикистон ягон зебо босавод бофархангу кордон кахти задааст, ки ин вазифа мегиранд.

Ҷавоб диҳед Иқтибос Шикоят

консул

бовари дорам бо ин кадрхои бетачрибаи армияи хешовандон нуфузи Точикистон боло нахохад рафт. Консул аз руи вазифа забонхои англиси ва русиро дар сатхи оли гап зада тавонад ва аз тарики расонахо пайваста иххорот ва баромад намуда имичи давлаташро муаррифи кунад.

Ҷавоб диҳед Иқтибос Шикоят

контакт

Очень порядочный, воспитанный и грамотный человек

Ҷавоб диҳед Иқтибос Шикоят

Бонкдор

Бародархо надониста гап назане илтимос. Мо ин шахс кати чанд вахт кор кардаги, ай ухдаи кор мебарояд. Ин ша аллох!!!

Ҷавоб диҳед Иқтибос Шикоят

душанбеги

шахсан Ашраф Гуловро намешиносам. Вале аз руи гуфтаи наздиконам, шахси донишманд, ботарбия ва инсони начиб аст. Аз забонхои хоричи бо забони англиси ва олмони озодона сухан меронад. Хамаи собик хамкоронаш аз у бо ифтихор сухан мегуянд. Хуллас кадри умедворкунанда аст. Муваффакият мехохам!

Ҷавоб диҳед Иқтибос Шикоят

Эзоҳ илова кунед