14 май 2014 11:17Тоҷикистон / Дин ва зиндагӣ / Иқтисодӣ

Қабули қонун дар бораи фаъолияти бонкӣ бар асоси Ислом

Вакилони Маҷлиси Намояндагони Тоҷикистон тарҳи қонун дар бораи “Фаъолияти бонкии исломӣ”-ро тасвиб карданд. Ин тарҳи қонунро Абдуҷаббор Ширинов -- раиси Бонки миллии кишвар дар ҷаласаи рӯзи 14 майи парлумон муаррифӣ намуда гуфт, ин низоми бонкдорӣ дар асоси қоидаҳои дини мубини Ислом роҳандозӣ хоҳад шуд.

Ӯ низоми бонкии исломиро таъриф карда, онро санҷидашуда ва муваффақ донист. Ба қавли ӯ, баъд аз буҳрони ҷаҳонии молӣ кишварҳои ғарбӣ низ ба ин навъи бонкдорӣ рӯ овардаанд. Оқои Ширинов афзуд, бонкҳои ҳозираи Тоҷикистон бештар дар бораи қарз додану гирифтани баҳраҳои худ меандешанд, дар ҳоле ки ба қавли ӯ, бонкҳои исломӣ чунин фоиз надоранд.

Муҳиддин Кабирӣ, раиси Ҳизби наҳзати исломии Тоҷикистон, низ аз ин тарҳ пуштибонӣ карда, амалӣ шудани ин низомро ба фоидаи ҳама унвон кард.

Абдуҷаббор Ширинов, раиси Бонки миллии Тоҷикистон, аз роҳандозии чунин низоми бонкдорӣ моҳи ноябри соли гузашта ба намояндагони давлати Қатар хабар дода буд. Ӯ дар сӯҳбат бо мудири бахши рушди фаъолияти Созмони сармоягузории Қатар -- Файсал ибни Сауд Оли Сонӣ таъкид намуда буд, ки “айни замон дар ҷумҳурӣ нақшаи ба роҳ мондани фаъолияти бонкдорӣ тибқи қоидаҳои исломӣ корҳои омодагӣ идома доранд, аз ҷумла лоиҳаи қонуни дахлдор таҳия шудааст ва мавриди баррасӣ қарор дорад.”

Мӯҳр

Хабарҳои монанд:

Дилшод

Хеле ташаббуси дуруст ва саривақтӣ, низоми бонкдории дар асоси Шариат воқеан метавонад бисёре аз масъалаҳои доғи иқтисодии воқеӣ ва соҳибкории хурду миёнаро ҳал намояд. Дар ин ҷо авлавият ба сармоягузорӣ дода мешавад, ки барои рушд муҳим аст. Яъне чунин тарзи кор фишанги дурусти маблағгузорӣ аст. Муҳимаш он аст, ки бонкдорон салоҳияту фаросати истифодаи ин фишангро ба хубӣ азхуд намоянд ва ин идеяи қобили қабулро вайрон накунанд, яъне дар зери ливои бонкдории тибқи қоидаҳои исломӣ боз ҳамон фоизҳоро ба мардум пешниҳод накунанд. Бонкдории исломӣ аз бонкдории "маъмулӣ" фарқи зиёде дорад ва онро бояд донисту амал кард. Иқдоми наҷиб аст дар маҷмӯъ. Ташаккур ба ҳамаи онҳое, ки лоиҳаи ин санадро омода намуданд.

Ҷавоб диҳед Иқтибос Шикоят

акнун

Акнун дастдарозоне, ки мукобили мулову ришдорон буданд тахорат карда ба бонки исломи "намозхон"-и меоянд)))

Ҷавоб диҳед Иқтибос Шикоят

Як бандаи Худо

Ислом дар пахлуи хар он чи аст, ки ба нафъи инсон мебошад. Чори намудани сохтори бонки исломи чойи барраси надорад ва онро аз руйи назари дахриги мухокима кардан, аз руйи имондори нест.

Ҷавоб диҳед Иқтибос Шикоят

Мухаммад

Хело хуб мешавад! Агар бонки исломи дар ватани махбуби мо низ пайдо шавад!

Ҷавоб диҳед Иқтибос Шикоят

Зайниддин

Мо хам тарафдори чори намудани "Фаъолияти бонки Ислом"и дар чумхуриамон мебошем.Чун бехбуди барои мардум хохад буд.

Ҷавоб диҳед Иқтибос Шикоят

Бонки Исломи

Оё бонки исломи кушода мешавад? Оё барои шахрвандон хам имконияти аз хизматрасонии бонки исломи истифода бурдан пайдо мекунанд ё он факат барои лоихахои макроиктисодист? (сохтмони ГЭС, беморхона...)
Кай аввалин бонки исломи кушода мешавад ва ба кор шуруъ мекунад?

Ҷавоб диҳед Иқтибос Шикоят

ислом

Худо хохад ана хаминхел охиста охистааа исломи шудаан мегира,муллохо,эшоно нахзат гамгин нашавед он худое,ки ин динро нозил кардааст худаш хифзш мекнад,на хукумати шурави на хукумати рахмонов хеч кас хеч коре карда наметавонад иншоалло

Худо хохад ана хаминхел охиста охистааа исломи шудаан мегира,муллохо,эшоно нахзат гамгин нашавед он худое,ки ин динро нозил кардааст худаш хифзш мекнад,на хукумати шурави на хукумати рахмонов хеч кас хеч коре карда наметавонад иншоалло

Ҷавоб диҳед Иқтибос Шикоят

Дабир

Беҳтарин кор аст агар роҳандозӣ шавад. Пас бар ҳамаи уламои кишвар лозим аст аз ин тарҳ пуштибонӣ кунанд. Чун аз роҳи дуруст пул ба дасти мардум мерасад ва фоидаву баракаташ бештар аз он чи ҳаст ки фикрашро мекунед.

Ҷавоб диҳед Иқтибос Шикоят

Эзоҳ илова кунед