12 май 2014 11:27Тоҷикистон / Сиёсат / Видео

Ғамгинии Зайд Саидов баъд аз дархости Мадвалӣ Исоев (ВИДЕО)

Мадвалӣ Исоев, айбдоркунандаи далатӣ, рӯзи 12 май аз Додгоҳи таҷдиди назар хостааст, 26 сол ҳукми зиндони Зайд Саидов, соҳибкор ва вазири собиқи саноати Тоҷикистонро, ки моҳи декбари соли гузашта содир шуда буд, бидуни тағйир боқӣ гузорад.

Шуҳрат Қудратов, яке аз вакилони мудофеи Зайд Саидов, дар ин бора сӯҳбат карда гуфт, намояндаи додситонӣ ҳукми нафари таҳти ҳимояташро “дар чаҳорчӯбаи қонун” дониста, шикояти хусусӣ ва кассатсионии ӯро беасос номидааст. Вай афзуд, “дар вақти баромад айбдоркунандаи давлатӣ ягон фикри худро оид ба ҷинояткор будани Зайд Саидов асоснок накард. Он шоҳидоне, ки дар марҳилаи аввали додгоҳӣ буданд ва ба тарафдории Зайд Саидов нишондод доданд, айбдоркунандаи давлатӣ аз ҳамонҳо ном гирифт. Он шоҳидон дар гузашта аз бегуноҳии Зайд Саидов сухан гуфта буданд. Аммо айбдоркунандаи давлатӣ гуфт, бо такя ба он нишондодҳо маълум карданд, ки ҷинояткории Зайд Саидов тасдиқи худро ёфтааст.”

Шӯҳрат Қудратов бо таваҷҷуҳ ба ин гуфт, шубҳа дорад, ки Додгоҳи таҷдиди назар ҳукми, ба қавли ӯ, одилона содир намояд. “Дар таҷрибаи кории ман боре нашудааст, ки додгоҳ аз гуфтаҳои айбдоркунандаи давлатӣ берун барояд. Ба назарам, ҳамаи он айбе, ки аз тарафи айбдоркунандаи давлатӣ аст, додгоҳ кӯшиш мекунад комилан дастгирӣ кунад”,-таъкид дошт ӯ.

Шуҳрат Қудратов илова кард, зерҳимояаш хулосаи ниҳоии айбдоркунандаи давлатиро ноодилона ҳисобида, аз шунидани он ғамгин шудааст: “Чунки ягон асос барои муттаҳам кардани зерҳимояи мо дар парванда тасдиқи худро наёфт, вале айбдоркунандаи давлатӣ талаби бетағйир мондани ҳукмро кард.”

Ҳоло додгоҳи таҷдиди назар барои қабули қарор ба хонаи машваратӣ ворид шудааст ва дар муддати то 10 рӯз хулосаи худро эълон хоҳад кард.

Мӯҳр

Хабарҳои монанд:

Судя

Зайдро суд не "боло" махкам кардаги, додситонию додгохи тачдиди назар бозича чи ба инхо шикоят мекунед охир?

Ҷавоб диҳед Иқтибос Шикоят

рахмчу

мадвалй исоев ин хукми берахмонаро ба нафаре ки кардааст подошашро мегирад.Худованд хам дар ин дуне ва хам дар он дуне подошашро медихад.

Ҷавоб диҳед Иқтибос Шикоят

shuhrat

ИншоАллох Зайд Саидов ба зуди мисли Тимошенко озод мешавад. ммммм... ба машом буи "бахори араб"-у буи майдони "евромайдан" мерасад... Озодагон назари маро игнорировать накун. Ташаккур.

Ҷавоб диҳед Иқтибос Шикоят

Юсуф

Биёед, ҳама дуо бикунем, ки Аллоҳ Таъоло ба ин бандаи бегуноҳ накӯкораш кӯмак бикунад. Омин!!!!!!

Ҷавоб диҳед Иқтибос Шикоят

politik

Илтимос дига хами шумо гап назанен ай дастон хоки намеоя хами шумо бден ки 26 солуш додан агар шумо намешиден мумкин солшуш кам мешуд.. Адвокато

Ҷавоб диҳед Иқтибос Шикоят

Эзоҳ илова кунед