12 май 2014 10:40Хабарҳои ҷаҳон

Ҳимояти номзади дигари интихоботи Афғонистон аз Абдуллоҳ Абдуллоҳ

Залмай Расул, номзади интихоботи президентии 5 апрели Афғонистон аз пайвастани худ ба ситоди интихоботии доктор Абдуллоҳ Абдуллоҳ – номзади дигар ба мақоми президентии ин кишвар хабар медиҳад.

Ин тасмими оқои Расул дар пайи як нишасти муштараки намояндагони гуруҳҳои интихоботии ду номзад дар шаҳри Кобул эълон шудааст. Далели он ба мувофиқа расидани ду ҷониб рӯи аҳдоф ва барномаҳои муштараки ду тим арзёбӣ шудаанд. Залмай Расул гуфтааст, агар интихоботи раёсати ҷумҳури кишвараш ба давраи дуюм биравад ё не, аз тими доктор Абдуллоҳ ҳимоят хоҳад кард.

Залмай Расул дар интихоботи президентии 5 апрели кишвараш дар чорчӯби гурӯҳи интихоботии "Эътидол, баробарӣ ва созандагӣ" иштирок карда, бо ба даст овардани 11,47 дарсади оро бар асоси натоиҷи аввалия мақоми сеюмро миёни рақибонаш соҳиб шуд. Оқои Расул нахустин номзади интихоботи президентии Афғонистон нест, ки ба тими доктор Абдуллоҳ мепайвандад. Дар пайи эълони натоиҷи аввалияи интихобот Гулоғо Шерзай бо гурӯҳи интихоботии худ "Сулҳ ва бозсозӣ" ба ситоди Абдуллоҳ якҷо шуда буд.

Кумисюни мустақили интихоботи Афғонистон бо эълони натоиҷи ҳудуди 90%-и овозҳои раъйдиҳандагон аз пешсаффии доктор Абдуллоҳ Абдуллоҳ дар интихоботи президентии кишвараш хабар дода буд. Ин ниҳод гуфт, доктор Абдуллоҳ бо ба даст овардани 43,7 дарсади оро миёни рақибонаш дар интихоботи президентии Афғонистон пешгом аст. ба иттилои манбаъ, Ашраф Ғанӣ Аҳмадзай бо ба даст овардани 33,8 дарсади оро дар мақоми дуюм қарор дошта, Зулмай Расул 11, 1 дарсад раъйро соҳиб шуда буд.

Бар асоси ҷадвали Комиссияи марзкаии интихоботи Афғонистон натиҷаи ниҳоии ин корзор рӯзи 14 май эълон хоҳад шуд. Агар аз ду номзади боқимонда касе натанвонад беш аз 50 дарсад раъйро ба даст орад, давраи дуюми рақобат миёни Абдуллоҳ Абдуллоҳ ва Ашрафғанӣ Аҳмадзай баргузор мешавад.

Мӯҳр

Хабарҳои монанд:

Пулихумри

Кулли мардуми Моварохунахр хохони сулху субот, оромии мардуми Шарифи Авгонистон. Ба Доктор Абудулло фарзанди содик ва арзандаи миллаташ пирузи хохонем. Факат ва факат Абудулло метавонад кулли мардумро атрофи хеш гирд оварад. Лекин пайвастани Генерали узбактабори Дустум ба ин эътилоф аз эхтмол дур нест. Чунки У дар ин 35 соли нооромиихо мазхаб, хизб, фиркау чабхашро факт ба хотири чонаш бехисоб иваз кардаги. Генерал Дустум - ошат шавад, боз чанс дори ,Сахна озод, боз чилва кун.

Ҷавоб диҳед Иқтибос Шикоят

Озод

Бояд интихоботи он суи Ому барои мардуми ин суи Ому намунаи ибрат бошанд.

Ҷавоб диҳед Иқтибос Шикоят

Эзоҳ илова кунед