Таъсиси як ассосиатсияи вижаи ВАО дар Душанбе

Дар шаҳри Душанбе ташкилоти нави журналистӣ Ассосиатсияи истеҳсолкунандагон ва паҳнкунандагони маводи радиотелевизионӣ ба қайд гирифта шуд.

Ҳадафи созмони навтаъсис ҳимояи манфиатҳои ташкилотҳои радиотелевизионӣ ва студияҳои истеҳсолкунандаи маводи аудиовизуалӣ мебошад. Тавре роҳбари Асосиатсияи мазкур, директори ТВ «Симои мустақили Тоҷикистон» Зинатулло Исмоилов иброз дошт, Асосиасияро ҳафт ташкилот: ТВ «СМТ», ТВ «Регар», ТВ «Мавҷи озод»-и ноҳияи Восеъ, ТВ 5- шаҳри Конибодом, ТВ «Симо»-и шаҳри Панҷакент, Телевизион ва радиои мустақили Қўрғонтеппа ва ҶДММ «Ориёно-медиа» таъсис доданд.

Зимнан, дар ҷаласаи муассисон зикр гардид, ки дигар ташкилоти телевизионӣ ва радиоӣ низ омода ҳастанд, ки ба узвияти Асосисатсия шомил гарданд. Мақсади асосӣ он аст, ки мегўяд Зинатулло Исмоилов, то кунун манфиатҳои васоити ахбори чопӣ ва масоили ҳуқуқии фаъолияти журналистии онҳо  баррасӣ мешуданд, аммо ба васоити электронии ахбор таваҷҷӯҳ хеле кам буд. Ҳол он ки ин васоит дар пурра намудани фазои иттилоотии кишвар бо маводи босифати журналистӣ саҳми хосае доранд ва ягона манбаи алтернативии дастрасии мардум ба иттилоот мебошанд. Илова бар ин соли 2015 Тоҷикистон дар баробари 100 мамлакати дигари ҷаҳон ба пахши рақамӣ мегузарад ва дар ин замина дифоъи мавқеи телевизион ва радиоҳои мустақил аз нахустин вазифаҳои Асосиатсияи навтаъсис мебошад.

Мӯҳр