Нота (номаи эътирозӣ)-и Қирғизистон ба Тоҷикистон
Тавре дафтари матбуоти Вазорати умури хориҷии Қирғизистон хабар медиҳад, Эрлан Абдилдаев, раҳбари ин ниҳод, рӯзи 8 май нотаро ба Олим Раҳимов -- сафири Тоҷикистон дар Бишкек тақдим кардааст. Манбаъ мегӯяд, Абдилдаев дар суҳбат бо Раҳимов аз амалкарди сокинони Исфара дар қаламрави кишвараш шадидан нигаронӣ кардааст. Инчунин, вазири умури хориҷии Қирғизистон аз дипломати тоҷик таҳқиқи мунсифонаи ҳодиса ва муҷозоти дастандаркоронро талаб намудааст.
Дар пайи задухӯрди сокинони минтақаи ҳаммарзи вилояти Бодканд ва Суғд, Олим Раҳимов -- сафири Тоҷикистон дар Бишкек ба Вазорати умури хориҷии Қирғизистон фаро хонда шудааст. Дафтари матбуоти Вазорати умури хориҷии Қирғизистон гуфтааст, Раҳимов рӯзи 8 май ба ин ниҳод даъват шуда, сабабаш машварат дар робита ба қазияи мазкур мебошад.
Дар ин муноқиша, ки шоми гузашта миёни сокинони Исфараи Тоҷикистон ва Бодканди Қирғизистон рух дод, беш аз 30 сокини кишвар захмӣ шуда, ҳоло шаш тани онҳо, аз ҷумла як маъмури пулис, дар бемористон будаанд. Ин дар ҳолест, ки ҷониби Қирғизистон ҳам мегӯяд, дар ин задухӯрд 30 тан аз сокинони онҳо ҷароҳат бардоштаанд.
Манбаи мо аз Исфара гуфт, ин задухӯрд дар пайи сангпартоии қирғизҳо ба сӯи мошини як сокини ҷамоати Ворухи Исфара рух дода, баъдан бо ҷамъ шудани одамон аз ду тараф бузургтар шудааст. “Ҳоло намояндагони мақомоти қудратии ду ҷониб дар ҷои ҳодисаанд ва мардумро ба хештандориву оромӣ даъват мекунанд”,-афзуд ӯ. Мусоҳиби мо илова кард, дар ин задухӯрд қирғизҳо аз силоҳи оташфишони шикорӣ низ истифода кардаанд, ки аз тири он ду нафар захм бардоштаанд.
Манбаъ мегӯяд, зоҳиран ин ҳодиса аз сӯи қирғизҳо тарҳрезӣ шуда буд, чун ба қавли ӯ, ҳамсояҳо дар ҷои ҳодиса санги зиёдеро ҷамъоварӣ карда будаанд. Аммо расонаҳои қирғизӣ ин ҳодисаро ба гунаи дигар шарҳ медиҳанд ва бо такя ба қавли манобеи худ менависанд, далели ба миён омадани муноқиша гӯиё ворид шудани чорвоҳои тоҷикон ба минтақаи марбут ба қирғизҳо будааст.
Бо ин ҳол, ин ҳодиса дар ҳоле иттифоқ уфтода, ки қарор аст, 11 майи соли ҷорӣ дар Душанбе музокироти гуруҳҳои кории Тоҷикистону Қирғизистон оид ба масоили марзӣ баргузор гардад. Баҳсҳои марзӣ миёни Тоҷикистону Қирғизистон баъд аз тирпаронии 11 январи соли ҷорӣ дар Хоҷаи Аълои Исфара, ки тарафи марзбонҳои тоҷику қирғиз ҳашт захмӣ боқӣ гузошт, доғ гардиданд.
Вазорати умури хориҷии Тоҷикистон бо нашри изҳороте гуфта буд, тирпаронӣ бидуни кадом огоҳӣ нахуст аз тарафи марзбонҳои қирғиз оғоз ёфта, марзбонҳои тоҷик танҳо барои ҳифзи ҷонашон ба онҳо ҷавоб додаанд. Иддаое, ки мақомоти Қирғизистон онро рад кард ва сафирашро барои мушовара ба Бишкек хонду гузаргоҳҳои марзиро баст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
