05 май 2014 09:16Оcиёи Марказӣ / Қирғизистон

“Иттиҳоди гумрукӣ иттиҳоди сиёсии низомҳои худкома аст”

“Вуруди Қирғизистон ба Иттиҳоди гумрукӣ мустақилияти моро барҳам зада, имкониятҳои демократии парлумонро, ки дар пайи инқилоби апрелӣ муқаррар гардид, аз миён мебарад”. Ин нукта дар изҳороти ҳаракатҳои “Қирғизистон алайҳи Иттиҳоди гумракӣ”, ҳизби “Ислоҳот” ва “Иттиҳоди демократӣ” зикр шудааст.

“Иттиҳоди гумракӣ иттиҳоди сиёсии низомҳои худкома аст, ки тасмимҳо дар доираҳои хӯрд ва бидуни андешаи парлумон ва ҷомеа гирифта мешавад. Раванди тасмимҳои гирифташуда кафолати баробарӣ ва руйкарди мунсифона барои ҳамаи аъзои онро намедиҳад, ки манофеи миллиро зери хатар бекашад”,-омадааст дар изҳорот.

Фаъолони шаҳрвандии Қирғизистон мегӯянд, агар Бишкек ба Иттиҳоди гумрукӣ ворид шавад, дар ҷумҳурӣ нархи молҳои воридотӣ ба таври қобили мулоҳиза баланд мешавад: “Арзиши доруворӣ 10 дар сад ва маводи чармӣ 20% зиёд мешавад. Мошини нисбатан маъруф дар Қирғизистон, ки 5 ҳазор доллар арзиш дорад, тақрибан 12 ҳазор доллар хоҳад шуд. Чунин раванд ба буҳрони нави иҷтимоӣ-иқтисодӣ ва сиёсӣ оварда мерасонад”.

Қарор аст, зуҳри имрӯз, 5 май, дар назди кинотеатри “Ала Тоо” зери шиори “Барои озодии Қирғизистон! Зидди Иттиҳоди гумракӣ” флешмоб баргузор шавад.

Мӯҳр

Хабарҳои монанд:

сокини 102

Иттиходи Гумоуки фоидае намеоварад. Боз хам гуломи манфиати Русия мегардем. Мисол: Барои ривочу равнвк додани сохахои мухталифи иктисодиёт дар оянда бояд бо Русия мулокот кард ва розигии уро гирифт. Ин ба лозим аст??? Мо рохи худро худамон ихтиёр карданамон лозим аст на бо ёрии касе.

Ҷавоб диҳед Иқтибос Шикоят

Юсуф

Дуруст мегӯянд, фаъолони қирғиз. Иттиҳоди гумрукӣ як намуди ба Русия боз ҳам бештар побанд намудани ҷумҳуриҳои СССРи пошхӯрда аст. Русия бо ҳар роҳи ҳилаву найранг кишварҳои тозаистиқлолро пешипо медиҳад, то онҳо аз мадори Русия дур нашаванд ва, барои манфиатҳои геополитикии ӯ ҳамчун буфер (девор) боқӣ бимонанд.

Ҷавоб диҳед Иқтибос Шикоят

некхох

кай мо ба ин иттиход дохил мешавем кош зудтар дохил мешудем.

Ҷавоб диҳед Иқтибос Шикоят

озода

Э канд занед киргизхое.....
Хукумат ки мардуми бошад ана хаминхел мардум аз хукуки худаш химоят мекунад. Бовар кунед эхсоси озодиву рохатиро аз хамин гуфтахо одам хис мекунад.
Дар мо хамачоро пур аз камера кардаанду роххои валангорамон хамонхел мондааст. Як бор аз кучахо гузашта бинед агар гуед ба чукури назанад мошинам хатман ба камера меафтеду чарима мешавед, агар аз чарима гурези хатман ба чукури мезани.
Осмонамон асри 21 асту заминомон асри 12.
Ана ёбеду гиред.

Ҷавоб диҳед Иқтибос Шикоят

Эзоҳ илова кунед