14 апр 2014 09:51Оcиёи Марказӣ / Тоҷикистон

Сел дар ноҳияи Восеъ ҷони Муҳаррамаи шашсоларо рабудааст

Дар пайи омадани сел дар ноҳияи Восеи вилояти Хатлон Муҳаррама Муродоваи шашсола, сокини деҳаи Навбаҳор, ҷон бохтааст. Муҳаммадризо Қурбонов, ёвари раиси ноҳияи Восеъ, дар сӯҳбат ба “Озодагон” гуфт, “сел шаби 12 ба 13 апрел омада, сокинонро ғофилгир кард”.

Ба қавли мусоҳиби мо, сел 268 манзили сокинони Чордара, Тугарак, Навобод ва Навбаҳори ноҳияи Восеъро вайрон намудааст. “Айни ҳол барои зарардидагон кумакҳои аввалия расонда мешавад. Ҳанӯз хисорот ҳисоб нашудааст ва базудӣ ҳамаи он дақиқ ва эълон хоҳад шуд”,-гуфт Муҳаммадризо Қурбонов, ёвари раиси ноҳияи Восеъ.

Дар ҳамин ҳол, бар асоси иттилои расмӣ, дар пайи боришоти зиёду фаромадани ярч дар ноҳияи Шӯрообод низ 13 нафар, ки 7 тани онҳо ноболиғ будаанд, ба ҳалокат расидаанд. Рӯзи 13 апрел бо дастури Эмомалӣ Раҳмон, раисиҷумҳури Тоҷикистон, ситоди кумак ба зарардидагони сел дар минтақаи Кӯлоб бо раҳбарии Муродалӣ Алимардон, муовини нахуствазир, таъсис шуд. Оқои Алимардон субҳи 14 апрел дар як тамоси телефонӣ бо “Озодагон” гуфт, ҳоло бо вазъи зарардидагони сел аз наздик ошно шуда, ба Душанбе меояд ва баъдан муфассал сӯҳбат хоҳад кард.

Кумитаи ҳолатҳои фавқулода ва мудофиаи граждании Тоҷикистон мегӯяд, то кунун ба оилаҳои зарардида 60 хайма, 30 тонна сӯзишворӣ ва барои 3 хонаводаи зарардида маводи ғизоӣ фиристодааст.

Мӯҳр

Хабарҳои монанд:

сабр

Дар дигар давлатхои пешрафта кумитаи холатхои фавкулода ба зудди кумаки аввалияи худро мерасонанд бе супориши сарвар. Дар мо бошад бар акси хол, аввал ситод баъд кумак. Кумитаи холатхои фавкулода наход 3 хонавода зарар дуда бошад, дигарон чи? бало ба сари хамаи зарардидагон будагист... ва онхое, ки аз ин офати табии зарар диданду баъзеашон пайвандони худро аз даст додаанд аз даргохо худованд бар онхо сабри чалил ва пуртокатиро хохонам.

Ҷавоб диҳед Иқтибос Шикоят

сино

Чи вазифаи призидент нест аз ахволи халкаш бохабар гаштан Алимардонов як шахси мутеъ мебошад метавонад холати руйдодаро ба призидент дигар хел шарх дихад.

Ҷавоб диҳед Иқтибос Шикоят

Чамшед

чош чаннат шавад тифли бегуноха. Аз офати табии ягон кас эмин нест, метарсам, чунин офат дар шахри Хучанд нашавад, ки заминхои наздихавлигии таксимгардида дар болои селрохахо мебошанд, худо нахохад мисли соли 1985 ё дигар солхо гардад чандин нафар бегуноххо хоханд рафт.

Ҷавоб диҳед Иқтибос Шикоят

Эзоҳ илова кунед