08 апр 2014 16:13Оcиёи Марказӣ / Қазоқистон

Дар Қазоқистон муҷозот барои сепаратизм шадид мешавад

Барои даъват ба тағйири ғайриқонунии тамомияти марзии Қазоқистон тибқи лоиҳаи нави Кодекси ҷиноии ин кишвар то 10 соли зиндон пешбинӣ шудааст.

Tengrinews.kz аз қавли Арман Аяганова, раҳбари раёсати департаменти прокуратураи генералии Қазоқистон навиштааст, ки дар лоиҳаи Кодекси ҷиноӣ модаи наве ҳаст, ки барои фаъолиятҳои ҷудоихоҳӣ ҷавобгарии ҷиноиро дар назар дорад. "Ин мода то 7 сол маҳрумият аз озодиро пешбинӣ кардааст. Агар ин фаъолиятҳоро шахси мансабдоре анҷом бидиҳад, пас то 10 сол равонаи зиндон хоҳад шуд”, -афзудааст ӯ.

Мӯҳр

Хабарҳои монанд:

Юсуф

Ба фикрам президент Назарбоев пас аз ҳодисоти кишвари Украина, ғасби нимҷазираи Қрим аз ҷониби Русия ва шӯриши аҳолии рустабори он кишвар дар вилоятҳои Донеск, Луганск, Харков ҷиҳати ҳамроҳ шудан ба Русия, ба таҳлука афтодааст. Ба тарсу ваҳми ӯ асосҳои ҷиддие ҳастанд, зеро шумораи рустаборҳо дар Қазоқистон, ба як ҳисобе, аз худи қазоқҳо зиёд аст. Имкон дорад, ки нуқтаи доғи ҷудоихоҳони рус солҳои наздик ба ин кишвар кӯчад. Ба ҳар сурат, то даме Путин ҳамчун раҳбар ва пешвои миллатгароёни рус сари ҳокимият аст, шӯриши рустаборҳо дар баъзе аз манотиқи собиқ Шӯравӣ аз эҳтимол дур нест. Мегӯяндки, Путин ваъда додааст, бо ҳар роҳе бошад, Иттиҳоди Шӯравии пошхӯрдаро (империяи русро) дубора барқарор мекунад.
Зимнан, саволе ба миён меоядки, ин хатар ба Тоҷикистони мо низ таҳдид мекунад? Шояд. Дар ҶТ русҳо ангуштшумор мондаанд (35000 кас), вале мардуми маҳаллӣ аз ҷабри қашшоқӣ ва бекорӣ омодаанд, ба ҳар кишвари абарқудрате бошад, истиқлолияти хешро инъом бикунанд. Албата, пеш аз ҳама ба Русия. Аз ин хотир, хуб мебуд мо ҳам қонунҳои ҷавобгарӣ барои ҷудоиталабӣ медоштем.

Ҷавоб диҳед Иқтибос Шикоят

Эзоҳ илова кунед