03 апр 2014 17:08Тоҷикистон / Тема дня
Мусодираи моли мухолифин: Сиёсат ё иқтисод?
Лола Олимова, рӯзноманигори байналмилалӣ
Бо хабари боз кардани парванда дар нисбати моликияти наздикони Муҳиддин Кабирӣ, вакили парлумон аввалин андешаам ин буд, Тоҷикистон давлатест, ки ҳеч шаҳрванд худро комилан амн эҳсос карда наметавонад. Давлате, ки қонунҳои худашро эътироф намекунад! Зеро ин ягона ҳолати мусодираи амволи хусусӣ нест. Мувофиқи қарор он моликияти хусусӣ карда баргардонида мешавад, ки он аз фаъолият боз мондааст. Вале ин бозор фаъол ва муваффақ ҳам буд. Даҳҳо хонавода онҷо кор мекарданд, зиндагиашонро пеш мебурданд, андоз месупурданд. Ҳолати ба ин монанд метавонад бозори “Зарнисор” бошад. Ба касе бозор писанд омад ва роҳат метавонад онро соҳиб шавад. Ҳукумате, ки шаҳрвандони худро эҳтиром намегузорад, шикаст меёбад. Инро таърихи башар исбот кардааст. Ва ин - танҳо суоли вақт аст...
Исмоил Талбаков, вакили парлумон, узви кумитаи иқтисод ва молия
Вақте шаҳрванд моликиятро мутобиқи қонун харидорӣ ва санадгузорӣ мекунад, ба ҳар иштибоҳи ҷойдошта мақомот ҷавобгӯ аст, на соҳибмулк. Саволе ба вуҷуд меояд, ки агар воқеан дар ҳуҷҷатгузории ин бозор камбудие буд, чаро давоми 15 сол мақомот садо баланд накард? Бардоште ҳосил мешавад, ки шояд онҳо ба ин хомушӣ манфиатдор будаанд. Аммо соҳибмулк набояд ҷавобгари иштибоҳи мақомот бошад ва аҳамият надорад, ки молики он бозор кӣ аст, шаҳрванди дигаре, Муҳиддин Кабирӣ ва Исмоил Талбаков. Бозор то имрӯз кор мекард ва андоз месупурд, инҷо соҳибмулк уҳдадорияшро иҷро кардааст. Тавассути расонаҳо огоҳ шудам, ки Муҳиддин Кабирӣ дар баромади додгоҳиаш ишора ба номаи мақомоти амният кардааст. Агар ӯ дар додгоҳ парвандаи мазкурро “сиёсӣ” ва “супоришӣ” унвон кард, пас ҳатман далелҳое руйи даст дорад. Ҳоло ман дақиқ гуфта наметавонам, ки ин парванда сиёсист ё иқтисодӣ. Аммо инро таъкид мекунам, ки парвандаҳои иқтисодӣ бояд орӣ аз сиёсатҳо баррасӣ шуда, баҳои қонунӣ бигиранд. Сарқонун ҳуқуқи шахс ва моликиятро эътироф кардааст. Агар додгоҳи иқтисодӣ ҳукми ноодилона барорад, зиёни он натанҳо ба низоми додгоҳӣ, балки ба талоши ҳукумат барои бунёди ҷомеаи демократӣ мерасад. Чун, додгоҳ аз номи ҷумҳурии Тоҷикистон ҳукм содир мекунад. Аз ин хотир додгоҳу додрас бояд бо масъулият нозукбинона рафтор намоянд. Барои мисол аз натиҷаи қарори додгоҳ норизо будану оташ задани пирамард дар рӯ ба руи дастгоҳи иҷроияи президент чӣ қадар таъсири манфӣ ба ҳукумат расонд. Албатта ман кафолат дода наметавонам, ки тамоми ҳукмҳои содир намудаи додгоҳҳои кишвар аз руйи адолат буданд ва ё хайр. Аммо ҳаминро бояд таъкид кард, ки парвандаҳо бояд одилона, мустақилона ва аз руйи виҷдону инсоф баҳои ҳуқуқӣ бигиранд.
Ойниҳол Бобоназарова, роҳбари бунёди “Перспектива +”
Нахуст, ҳаминро гуфтаниям, ки вақте парванда дар нисбати чеҳраи шинохта боз мешавад, бидуни нома он сиёсӣ мешавад. Барои чӣ? Барои он, ки Кабирӣ аз вакилоне буд, ки пайваста садо баланд карда, бо интиқод ҳамзамон роҳи ҳалли мушкилро пешниҳод мекард. Дуввум, вақте Муҳиддин Кабирӣ дар баромади додгоҳии худ аз дастрасии номаи мақомот гуфтааст, ин “супоришӣ” будани парвандаро кафолат медиҳад. Яъне, ҳукумат аз Кабирӣ тарс дорад. Саввум шояд мақомот дар андешаи он бошанд, ки барои аз байн бурдани нуфузи Муҳиддин Кабирӣ ӯро аз лиҳози иқтисодӣ заиф намоянд. Аммо ин иштибоҳе беш нест. Тарафдорони наҳзат ба хотири ақида роҳбари худро дастгирӣ мекунанд. Фикр мекунам ин як тактика ва дурнамои ҳукумат аст. Зеро вақте чеҳраҳо бо ақида ва сармояашон муаррифӣ мешаванд, онҳо метавонанд барои ҳукумат “дарди сар” эҷод кунанд. Аз ин хотир ҳукумат ба мусодираи амволи наздикони Муҳиддин Кабирӣ шурӯъ кард, ҳамон гунае, ки мусодираи моликияти собиқ вазир ва соҳибкор - Зайд Саидов идома дорад. Ба андешаи ман додгоҳи Тоҷикистон дар ин маврид ҳеч вақт ҳукми одилона ва мустақилона содир намекунад. Ба хусус вақте парванда “супоришӣ” ва “сиёсӣ” ҳаст. Бигзор додраси беҳтарин ва бовиҷдонро раисикунандаи мурофиа таъин намоянд. Ин таъсире намерасонад. Чунки ҳокимияти додгоҳии мо бо ангушти ишораи ҳокимияти иҷроия фаъолият мекунад. Аз натиҷаи ин мурофиа хушбин нестам. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
