9 моҳи зиндон барои дуздидани як тӯтӣ

Додгоҳи ноҳияи Архарински вилояти Амур як зани 32- солаи ин минтақаро барои дуздии тӯтӣ барои 9 моҳ равонаи зиндон намуд.

---

Дар ин бора аз додситонии вилояти Амур ба хабаргузориҳо иттилоъ додаанд. Тибқи иттилои манбаъ, ин зан дар моҳи декабри соли 2010  бо иттиҳоми дуздии амволи ғайр ба маҳбас афтода буд. Пас аз озод шуданаш дар ҳолати мастӣ аз қаҳвахонаи «Закусочная»  тӯтии пахмоқро, ки 2, 5ҳазор рубл қимат доштааст, рабудааст.

 

Зинаи аввали додгоҳ амали ин занро ҳамчун дуздии амволи ғайр бо расонидани зарари бузург бандубаст намуда,  бо истифодаи кодекси ҷиноии Русия ба 1,5 соли зиндон ҳукм кард. Аммо ин зани тӯтирабо аз болои ҳукми додгоҳ ба зинаи болоӣ шикоят бурдааст. Додгоҳи таҷдиди назар даъвои бонуи дуздро қонеъ сохта, иттиҳоми зарари ҳаҷман калонро аз ӯ бардоштааст, аммо ба ҳар сурат 9 моҳи ояндаро ин зан пушти панҷара хоҳад гузаронд.{jathumbnail off}

Мӯҳр