Вокуниши наздикони “террористон” ба ҳукми Додгоҳи Олӣ (ВИДЕО)
Наздикони бархе аз аъзоёни гуруҳи Алимурод Маханов, ки имрӯз, 20-уми март бо иттиҳоми терроризм равонаи зиндон шудаанд, ҳукми додгоҳро ғайриодилона ва парвандаро сохта арзёбӣ карданд.
Боймурод Маханов, падари Алимурод, ки саркардаи ин гуруҳи террористӣ арзёбӣ мешаваду ба 21,5 соли зиндон маҳкум шуд, дар суҳбат бо хабарнигорон гуфт, ки аз ҳукми додгоҳ нисбати писараш розӣ нест. Ӯ гуфт, писараш дар охирин суханронияш дар мурофиаи додгоҳӣ гуфтааст, ки ягон гуноҳ накардааст ва он ҳама иттиҳомотро қаблан таҳти фишор ба дӯш гирифтааст: “Ҳатто дар мусоҳибааш бо телевизион зери фишор қарор доштаст.”
Модари Амиралӣ Давлатов, ки дар узвият ба гуруҳи Маханов муттаҳам шуда, бо ҳукми додгоҳ барои 19 сол равонаи зиндон шудааст, мегӯяд, писараш дар бозор ба тиҷорат машғул буд ва гуноҳе надорад: “Писари ман дар бозор картошкаю пиёз мефурухт. Дар хона се фарзанди маъюб дорам саломатии худам хуб нест. Писари маро бе гуноҳ террорист бароварданд.”
Муҷиба Давлатова ҳамсари Амиралӣ мегӯяд, ӯро бо шавҳараш ба ВКД бурда як рӯз фишор меоранд, то ин, ки ӯ нависад, ки тапонча ба шавҳараш тааллуқ дорад. “Маро бо шавҳарам ба ВКД оварданд аз бомдод то шом фишор оварда гуфтанд, ки ман гӯям, писталет аз шавҳарам аст. Дашноми зиёд карданд.”
Додгоҳи Олии Тоҷикистон имрӯз, 20-уми март Алимурод Махановро бо иттиҳоми терроризм 24 сол аз озодӣ маҳрум кард. Додгоҳ аъзоёни дигари гуруҳ Амиралӣ Давлатовро ба 19 сол, Кенҷа Абдулаҳатов ба 15 сол, Сироҷ Қараев ба 11 сол ва Сорбон Комиловро ба 2 соли зиндон маҳкум карда, Иброҳим Ҳусейновро аз толори мурофиа озод намудааст.
Дар ҳамин ҳол Мавлудҷон Салихов, вакили дифои Сорбон Комилов дар суҳбат ба “Озодагон” гуфт, ки аз ҳукми додгоҳ рози буда ба зинаҳои болои суди муроҷиат намекунанд.
Аммо Шуҳрат Қудратов, вакили дифои Кенҷа Абдулаҳатов, ки 15 соли зиндон гирифтааст мегӯяд аз ҳукми додгоҳ розӣ набуда, рӯзҳои наздик ба зинаҳои болоии суд шикоят хоҳад бурд.
Алимурод Маханов ва чанде аз ҳамроҳони ӯ дар остонаи интихоботи президентии 6 ноябри соли гузашта боздошт шуданд. Худи ӯ дар як намоиши телевизионӣ гуфта буд, ҳадафи онҳо таркондани баъзе аз иншооти Душанбе, аз ҷумла бинои Кумитаи амнияти миллӣ ва “шикастани сохтори давлатии Тоҷикистон” буд. Ба гуфтаи Маханов, ӯ соли 2011 ба узвияти Ҳаракати исломии Узбакистон шомил шуда, раҳбарии гуруҳи ҳаштнафараеро, ки муташаккил аз шаҳрвандони Туркия, Қирғизистон ва Узбакистон мебошад, бар зимма доштааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
