17 мар 2014 11:06Тоҷикистон / Иҷтимоӣ

ВУД: Куштори хонавода дар маркази Душанбе барои арақ сар задааст

Вазорати умури дохилии Тоҷикистон бо пахши як иттилоия куштори шаби 14 ба 15-уми мартро дар маркази Душанбе шарҳ дода, таъкид намудааст, ки он дар заминаи муноқиша барои арақ сар задааст.

Ба иттилои дафтари матбуоти Вазорати умури дохилӣ шаби 14 ба 15-уми марти соли 2014 гумонбарони ин куштор, Корич Дмитрийи ва Чайкин Дмитрий, ки ҳар ду 40 сол ва доғи судӣ доранд, барои харидани арақ ба хонаи Акобиров Ашуралӣ омада, дар пайи муноқиша ӯро бо корд ба ҳалокат мерасонанд: “Дар ин ҳол писари мақтул, ноболиғ Акобиров Ҷовидон, хонандаи синфи 6-уми мактаби миёнаи таҳсилоти умумии №65, ба назди падараш давида меояд. Корчин Дмитрий ба ҷони ҷавони Ҷовидон низ раҳм накарда, ӯро бо корд аз ҳаёт маҳрум месозад.”

Вазорати умури дохилӣ илова намуд, зане, ки дар ин муноқиша маҷруҳ шудааст, на ҳамсари соҳибхона, балки иҷоранишин будааст: “Дастгиршудагон иҷоранишини ин хонавода Солиева Каромат Самиевна соли таваллудаш 1959-ро низ 8-маротиба бо корд маҷруҳ карда ва хонаро оташ зада, аз ҷойи ҳодиса ғайб задаанд.”

Манбаъ таъкид намуд, ки Солиеваи 55-сола ҷон ба саломат бурда, феълан дар ҳолати вазнин дар бемористон бистарӣ мебошад. Ин ниҳод афзуд, ки аз боздоштшудагон далелҳои шайъӣ гирифта шуда, тафтиши парвандаи ҷиноӣ аз рӯи ин ҳодиса идома дорад.

Мӯҳр

Хабарҳои монанд:

Самариддин

Ассалом руз ба хайр. Аз Шумо эхтиромона хохиш карда мешавад, ки хангоми навиштани маколахо, номи вазорату идорахоро дар шакли дуруст истифода бурда шавад.

Ҷавоб диҳед Иқтибос Шикоят

тоҷ

Самариддин,
навиштвгии хдт ҳам хатои дастурӣ дора як бор таваҷҷуҳ кн(номи вазорату идорахоро дар шакли дуруст истифода бурда шавад.) инҷо ро изофа астСамариддин,

Ҷавоб диҳед Иқтибос Шикоят

Ф - 420

Аз дасти хамин аракфурушхо руз нест. Дар дилхох кишлоки дурдаст бе ягон ибо нотарсида арак мефурушанд. На нозири минтакави кор дораду на налогу стандарт. Фурухтестаи шабу раз, боз агар касе шикоят кунад ё эътироз пуштибонхо хам пайдо мешавад. Ана баъд натичааш талоку, занозани боз ин дафъа куштор. Як дутоша сахтакак чазо дихед....

Ҷавоб диҳед Иқтибос Шикоят

АНТИ-РУС

Эҳтиёт кунед ки барои ами ду рус шуда Россия боз монанди аму ду халлабонаш Тоҷикистонро тика тика накунад.

Ҷавоб диҳед Иқтибос Шикоят

маруф

гунаҳгоро дагир кардан ва бо кадом статья

Ҷавоб диҳед Иқтибос Шикоят

tajik

Агар кори ягон мулло мебуд мегуфтан фаолияти масчид баста шавад.

Шароб бояд бештар тавлид шавад ва дуконхо и шаробфуруши бештар шаванд.

Ҷавоб диҳед Иқтибос Шикоят

Эзоҳ илова кунед