17 мар 2014 10:33Тоҷикистон / Иқтисодӣ / Тема дня

«МегаФон» дар Тоҷикистон қаллобони мобилиро ошкор кард

“Мегафон-Тоҷикистон” рақамҳоеро, ки аз онҳо қаллобони мобилӣ ба муштариёни ин ширкат паёмакҳои ғайриқонунӣ ва дурӯғин мефиристодаанд, бастааст.

Аз дафтари матбуоти “Мегафон Тоҷикистон” ба “Озодагон” иттилоъ доданд, ки вақтҳои охир бисёр муштариёни операторони мобилии Тоҷикистон sms-ҳоро аз рақамҳои байнишаҳрӣ ба даст меоварданд: “Дар матни SMS-ҳо аз истифодабарандагон хоҳиш карда мешуд, ки ба рақами ишорашуда занг зананд ё тариқи SMS оид ба бурди калон хабар дода мешуд. Дар сурати анҷом додани даъват, аз суратҳисоби мобилии муштарӣ маблағ ситонида мешуд."

Денис Никитин, муовини аввали директори иҷроияи ширкати «МегаФон Тоҷикистон» мегӯяд, «чунин ирсолҳо ғайриқонунӣ ба ҳисоб мераванд. Барои нигоҳ доштани муштариён аз хавфи sms-спам ва амалҳои қаллобон мо доимо фаъолнокии онҳоро мавриди назорат қарор дода, ҳангоми зарурат паёмакҳоеро, ки аз рақамҳои бадхоҳон ворид мегарданд, бекор мекунем.»

Масъулини “Мегафон” барои наафтидан ба доми чунин қаллобон ба муштариён тавсия медиҳанд, ки як қатор қоидаҳои начандон душворро риоя намоянд: “Қабл аз ҳама ба SMS-ҳое, ки аз рақамҳои бегона ворид мешаванд, набояд ҷавоб дод. Дилхоҳ маълумотро оид ба бурд, ки қаллобон онро хеле зиёд дар паёмакҳои худ истифода мебаранд, метавон бо роҳи осон тавассути муроҷиат ба ташкилкунандаи озмун бо телефон ё тариқи сомона бисанҷид.”

Таҳлилгарон мегӯянд, боз як воситаи қаллобии мобилӣ – ирсоли паёмакҳо бо хоҳиши гузаронидани маблағ ба суратҳисоб ба ҳисоб меравад: “Ё тариқи паёмакҳо хоҳиш карда мешавад, ки бинобар ба нохушӣ гирифтор шудани наздикон ё шиносон ба рақами ишорашуда даъват анҷом дода шавад. Дар ин ҳолат мебояд ба надиккон занг зада, вазъияти воқеиро аз онҳо пурсид.”

«МегаФон» аз муштариёнаш даъват мекунад, ки дар сурати дарёфти чунин SMS ба маркази тамоси ширкат тариқи телефони 907700500 ё дилхоҳ идораи фурӯш ва хизматрасонӣ хабар диҳанд.

Мӯҳр

Хабарҳои монанд:

Орзу

Як каллобро доштед, офарин ! Акнун мегафони азиз нафси худатонро идора кунед ! Вакте, ки хисоби маблаг ва ё "банас" бо асъори хоричи, янеъ доллар кабул ва хисоб мешуд, барои зангхои дохилии ширкат дар баъзе тарофахо 1 (як) сент гирифта мешуд. Акнун, ки ба асъори милли гузаштанд, он 1- як сент ба 6-шаш дирам мубаддал гашт ! кариб ду дирам зиёд шуд. Вакте, ки мегафон ва хамаи ширкатхои мобили ба асъори милли гузаштанд, курби доллар 4,6 сомонои барои 1 доллар буд !

Ҷавоб диҳед Иқтибос Шикоят

Хушёр

Бо ман хам 3-4 маротиба чунин паёмакхо омада буданд. Як дархост аз ин ракам омада буд: 43820946035 бо матни "Позвоните мне срочно 0043820946035", боз чанд маротибаи дигар аз раками кутохи 7070 занг зада буданд, ки ман ин паёмакхоро нодида гирифта, дархор кур мекардам ва занг намезадам. Эхтиёт бошед, хамватанон!

Ҷавоб диҳед Иқтибос Шикоят

Эзоҳ илова кунед