13 мар 2014 11:20Тоҷикистон / Иҷтимоӣ / Тема дня

Баррасии 2-бораи ҳабси Фахриддин Зокиров дар додгоҳ

Додгоҳи шаҳри Душанбе имрӯз, 13-уми март қарори ҳабси думоҳаи Фахриддин Зокиров, яке аз вакилони дифои соҳибкори зиндонӣ, Зайд Саидовро мавриди баррасӣ қарор медиҳад.

Дар ин бора ба хабаргузории “Озодагон” Мавлудҷон Салехов, яке аз вакилони Фахриддин Зокиров хабар дода, афзуд, ки мурофиаи додгоҳӣ соати 14:00 дар назар аст.

Додгоҳи ноҳияи Фирдавсӣ шаби 7 март ба боздошт ва нигоҳдории Фахриддин Зокиров, яке аз се вакили мудофеи Зайд Саидов, то ду моҳи оянда дар ҳабс иҷоза додааст. Додрас Акрамов ҳангоми қироати қарори худ гуфтааст, дар тӯли ду моҳе, ки Зокиров дар боздошт ба сар мебарад, бояд парвандаи ӯ таҳқиқ шавад. Аммо вакилони дифои Зокиров ин қарорро ғайриқонунӣ хонда, аз болои он шикояти кассатсионӣ бурданд.

Фахриддин Зокиров шаби 6-уми март аз сӯи кормандони Оҷонсии назорати давлатии молиявӣ ва мубориза бо коррупсия боздошт шуда буд ва алайҳи ӯ тибқи моддаи 247 (қаллобӣ)-и Кодекси ҷиноии Тоҷикистон парванда боз шудааст. Фахриддин Зокиров яке аз се вакили мудофеи Зайд Саидов, соҳибкор, вазири собиқи саноат ва раҳбари зиндонии Ҳизби Тоҷикистони нав аст ва боздошти ӯ дар ҳоле сурат мегирад, ки қаблан ӯву ҳамкоронаш аз расидани СМС-ҳои таҳдидомез шикоят карда буданд.

Исҳоқ Табаров ва Шуҳрат Қудратов, вакилони дифои Зайд Саидов, рӯзи 7 март бо пахши як изҳорот боздошти ҳамкорашон, Фахриддин Зокировро иқдоми махсус роҳандозишудаи Оҷонсии мубориза зидди фасоди молӣ хонда, афзуданд, ин як навъ “қасос”-и роҳбари ин ниҳод аз вакилони Зайд Саидов мебошад.

Мӯҳр

Хабарҳои монанд:

Абдуллох

Ачаб гузоришнависи роич гаштааст дааааааааа.
Дар бораи чизи асоси камтар нависта даррав ба як чизи кухна мегузаранд.
Чи иртибот медихед дастгир шудани Зокирова бо фаъолияти кориаш бахусус бо З. Саидов. Охир як ду руз нашудааст, ку адвакатии Зокирова.
Дар бораи чурме нависед, ки Зокирова бо он айбдор кардаанд намешавад охир. Охир аксари мардум намедонанд ки такаллуб чист ва ё дар кадом кор такаллуб кардааст Зокиров. Охир мардум фолбин нест ку. Чаро мардума мешуронед ва ботокат мекунед. Чурмаша нависед мардум низ тахлилхои худаша дорад месанчад ва хулоса мекунад, ки ин боздошт ба чи рабт дорад. Аз чои мардум чи хулоса пешниход мекунед ё манфиатдоред????
Дониста бошед ки мардум низ тагйир кардааст ва бояд донад ки такаллуби Зокиров дар чист баъд худаш хулоса мекунад.
....Ёдовар мешавем ки ин ё он чи лозим!!!!

Ҷавоб диҳед Иқтибос Шикоят

Эзоҳ илова кунед