11 мар 2014 16:06Оcиёи Марказӣ / Узбакистон

Дар Узбакистон акнун мансабдорон бидуни иҷозаи Ислом Каримов ҳаққи убури марзро надоранд

Ислом Каримов, раисҷумҳури Узбакистон ба ҳамаи аъзои ҳукумат, раҳбари Хадамоти амнияти миллӣ ва дигар мансабдорон бидуни иҷозаи вай ба хориҷи кишвар рафтанро манъ кардааст.

Торнамои uznews.net менависад, ки акнун барои берун аз марзи Узбакистон рафтани аъзои ҳукумат, дастгоҳи президент, сенат ва ҳатто раҳбарияти ташкилотҳои ҷамъиятӣ ва фондҳо розигии шахсии Каримов лозим аст.

Ба иттилои манбаъ, ҳарчанд номи қарори имзогузоштаи Ислом Каримов “Оид ба чораҳо барои беҳбудии сафари мақомдорон ба хориҷи кишвар” аст, аммо мисли ҳар амру фармони дигари Узбакистон ном ба мазмуни он мухолифат дорад.

“ВАО-и расмӣ феҳрасти мансабдоронеро, ки бидуни розигии президент наметавонанд бо сафари хидматӣ ба хориҷӣ кишвар бираванд, нашр кард. Ҳамчунин расонаҳо рӯйхати мақомдорони сатҳи поёниро чоп карданд, ки бе иҷозаи дигар мақомот ҳаққи сафарро нахоҳанд дошт. Дар қарор гуфта мешавад, ки сафарҳое, ки мувофиқа нашудаанд, ҷазои ҷиноятӣ дар пай хоҳанд дошт”,-навиштааст сомона.

Uznews.net феҳрасти мансабдоронеро ҳам овардааст, ки барои ба сафари хидматӣ берун аз марзи кишвар рафтанашон розигии махсуси президент лозим аст:

1. Сарвазир ва муовинони ӯ;

2. Раҳбари Сенати Маҷлиси олӣ (парлумон);

3. Раиси Палатаи қонунгузории Маҷлиси олӣ ва муовинҳои вай;

4. Мушовирони давлатии президент, котиби Шӯрои амнияти назди президент, раҳбари бахши идоракунии дастгоҳи президент, раҳбарони дигар мақомоти дастгоҳи президент ва муовинҳои онҳо;

5. Кормандони масъули дастгоҳи президентва дастгоҳи Шӯрои амнияти назди президент;

6. Ректори Академияи идораи давлатии назди президент;

7. Директори Институти тадқиқоти стратегӣ ва байниминтақаии назди президент;

8. Директори Институти мониторинги қонунгузории ҷории назди президент;

9. Раҳбари Комиссияи олии интихоб оид ба интихоб ва тавсия ба мақоми судяҳои назди президент;

10. Омбудсмен;

11. Раҳбари Комиссияи марказии интихобот;

12. Раҳбари идораи Бонки марказии Узбакистон ва муовинҳои ӯ;

13. Раиси Суди конститутсионӣ, Суди олӣ ва муовинҳои онҳо;

14. Вазирон ва раҳбарони кумитаҳои давлатӣ ва муовинҳои онҳо;

15. Раҳбари Хадамоти амнияти миллии Узбакистон ва муовинҳои он;

16. Прокурори генералӣ, муовинҳояш, раҳбари Департамент оид ба мубориза бо ҷиноятҳои молиявӣ ва қнунигардонии даромадҳои ҷиноятӣ;

17. Раҳбари дастгоҳи иҷроияи кабинаи вазирон;

18. Раис, муовинҳо ва кормандони масъули Палатаи ҳисоб;

19. Президенти Академии илмҳо;

20. Директори Маркази миллӣ оид ба ҳуқуқи инсон;

21. Раҳбари Мактаби олии таҳлили стратегӣ;

22. Раҳбари иҷроияи Фонди президент – “Истеъдод”;

23. Директори иҷроияи Фонди таҷдид ва рушди Узбакистон;

24. Раҳбари Жокаргы Кенесаи ҷумҳурии Қарақалпокистон, раҳбари Шӯрои вазирони ин ҷумҳурӣ;

25. Раҳбарони вилоят ва шаҳри Тошканд;

Мӯҳр

Хабарҳои монанд:

любознатель

Дар мо низ амри президенти УЗБ. амалй мешавад. Холо бинедддддддддд

Ҷавоб диҳед Иқтибос Шикоят

Яъкуб.

Ачоиб.Хамаи кормандонро бо сунин фишорхо нигох дошта истодааст.Чор панч вазири калиди якчоя шавед Каримовро гирифта ба Зиндон кашед..........Тамом хам худу хам миллат аз зулму ситам халос мешавед...

Ҷавоб диҳед Иқтибос Шикоят

Точик

Дар мо аз соли 1999 инчониб ин карор амал мекнад. Илова ба мансабдорон тамоми офицерхои аз майор болои ниходхои кудрати: Вазорати Дифоъ, Дохила, КГБ, Прократура, Гумрук, Андоз ва вазорат холатхои фавкулодау Агенствои коррупсия. Так что Каримови Узбакистон аз каримови худамон ед гирифтааст.

Ҷавоб диҳед Иқтибос Шикоят

Romish

любознатель,
Любознатель, никакой ты не любознатель а фантазер!
То что делает каримов наша сторона принципиально не делает!
Как во время ВОВ то что немцу хорошо русскому плохо!
Если мы кого то из узбекистана похвалим что мол он такой хороший нам помогает... То его завтра же снимут и без пенсии оставят!
Так что любознательный давай до свидания!
У ислама каримова началась старческая фобия . Для него все заговоршики и все враги кроме его друга директора снб-- врага узбекского народа иноятова. Кстати сталин тоже перед смертью очень от кгб зависел!

Ҷавоб диҳед Иқтибос Шикоят

Эзоҳ илова кунед