04 мар 2014 16:45Хабарҳои ҷаҳон

Путин: "Агар Януковичро қабул намекардем, ӯро мекуштанд"

Владимир Путин, раисиҷумҳури Русия, дар нишасти хабарияш, ки баъд аз зӯҳри 4 март доир шуд, гуфт, агар онҳо Виктор Януковичро намепазируфтанд, эҳтимол ӯ дар Украина кушта мешуд. Путин ба ин тартиб аз раисиҷумҳури фирории Украина тарафдорӣ карда, амалкарди мухолифони ӯро ғайриқонунӣ донист.

Раисиҷумҳури Русия гуфт, "он чӣ ки мо бо Янукович кардем, аз нигоҳи башардӯстӣ буд. Фикр мекунам, ӯро дар Украина мекуштанд.” Виктор Янукович, раисиҷумҳури фирории Украина, ки дар куҷо буданаш номаълум буд, рӯзи 28 феврал дар Ростови лаби Дони Русия пайдо шуда, нишасти хабарӣ доир кард. Дар лаҳзаҳои аввали гуфтугӯ бо хабарнигорон Янукович вазъи кунунии Украинаро шармандагӣ дониста ва аз тамоми сокинони кишвараш барои он ки натавонист оромиро ҳифз кунад, маъзаратхоҳӣ намуд.

Янукович хабарҳоро дар бораи он ки гӯиё аз Украина фирор кардааст, рад намуд. Ӯ гуфт, ҳаргиз аз Украина фирор накардааст, балки хатари нобудшавӣ ӯро дуртар аз кишвараш нигоҳ медорад, ки дар сурати шароит фароҳам омадан ва додани кафолат боз ба онҷо бархоҳад гашт.

Владимир Путин дар идомаи нишасти хабарияш ба масъалаи таҳрими Ғарб низ дахл карда, гуфт, пеш аз он ки чунин таҳрим алайҳи Маскав эъмол бишавад, бояд муаллифонаш як бори дигар фикр кунанд. Чун, ба қавли ӯ, ҳар таҳрими зидди Русия ба зарари кишварҳои ғарбӣ низ хоҳад буд.

Вай, инчунин, гуфт, бо бархе аз мақомоти кишварҳои ғарбӣ дар масъалаи Украина гуфтугӯ дорад. “Баъзеи онҳо мегӯянд, амали Русия дар қиболи ҳодисаҳои Украина дуруст нест. Ман ба онҳо мегӯям, ки оё амалкарди онҳо дуруст аст? Магар ҳамлаи Амрико ба Афғонистону Ироқ дуруст буд?”,-афзуд ӯ. Ба ин тартиб, Владимир Путин Ғарбро ба пуштибонӣ аз раҳбарони табаддулоти давлатӣ дар Украина муттаҳам кард.

Мӯҳр

Хабарҳои монанд:

Zuhuriddin

Holi diktator hamin ast...Qazzofi..Saddom Husayn..Bashor Asad..Askar Akaev kasone budand ki ba rus umed basta mardumi khudro nodida megiriftand

Ҷавоб диҳед Иқтибос Шикоят

Мухандис

В.Путин диктаторонро дастгири мекунад ,аз он чумла диктаторони ОМ-ро ва
бо ин рафтораш хатои махз мекунад.Бояд мардумони давлатхои пасошуравиро дастгири кард ,дар он холат ин ходисахо руй намедиханд.

горати халку давлаташона накунанд ва доим адолатчую дар рохи хак бошанд,хеч кас онхоро намекушад. Вакте мардумро ба кашшоки оварда мерасонанд ва газаби мардумро меоранд ва мардум,ки дигар ба онхо бовар намекунанд ва молу мулки дуздидаашонро ба чархбол ё тайёра бор карда ба монанди рубох рохи гурезро мегиранд. Окибати хамаи президентхои горатгар хамин аст.

Ҷавоб диҳед Иқтибос Шикоят

Эзоҳ илова кунед