“Капат дуд кадагияй”. СМС-и таҳдидомез ба вакилони Зайд Саидов
Ахиран як чунин СМС-и таҳдидомез ба телефони Шӯҳрат Қудратов, яке аз се вакили мудофеи Зайд Саидов, аз шумораи 915651308 ворид шудааст. Дар ин СМС гуфта шудааст, “гуш ку да се рӯз вақт рафта аризата ай суд гир набоша капат дуд кадагияй фикри хдта накни фикри гудакота к ки хамаша нигах дорем неки ай хад гзаронде таёрита би ба кариби пеши хаму зайдт мере”.
Шӯҳрат Қудратов, ки ин паёмакро дар ихтиёри “Озодагон” гузошт, гуфт, ҳамингуна СМС ба рақами телефони Исҳоқ Табаров ва Фахриддин Зокиров низ омадааст. “Айни замон ҳаёт, саломатӣ ва бехатарии мо ва оилаи мо пурра зери хатар қарор дораду ҳамаи ин бевосита бо иҷрои вазифаи касбии мо нисбат ба ҳимояи ҳуқуқи конститутсионӣ ва шаҳрвандии маҳкумшуда Зайд Саидов алоқаманд мебошад”,-омадааст дар изҳороти ин вакилон, ки рӯзи 25 феврал нашр шуд.
Онҳо дар идома навиштаанд, “мо барои пурра, ҳамаҷониба иҷро намудани фаъолияти касбии худ оид ба ҳифз ва ҳимояи ҳуқуқ ва манфиатҳои аз тарафи қонун ҳимоятшавандаи зерҳимояамон Саидов Зайд Шероивч аз тарафи шахсони номаълум таҳти таҳдиду фишор қарор дода шудаем.”
Дар ин изҳороти вакилони Зайд Саидов гуфта шудааст, онҳо чанд муддати охир мавриди таваҷҷуҳи Оҷонси мубориза бо фасоди молӣ, бахусус раҳбари он Абдуфаттоҳи Ғоиб, қарор доранд. “Ин таваҷҷӯҳи мақомоти зикргардида аз оғози фаъолияти мо ба сифати ҳимоячиёни собиқ вазири саноати Тоҷикистон Зайд Саидов аз моҳи майи соли 2013 сарчашма мегирад. Сарвари ин мақомот ҳар изҳорот ва дархосту пешниҳоди моро вобаста ба парвандаи ҷиноятӣ нисбат ба Саидов дарднок, бо эҳсосоти ба худаш хос қабул намуда, норозигии худро дар ҳар шакл зоҳир менамояд”,-таъкид шудааст дар изҳорот.
Вакилони мудофеи Зайд Саидов, инчунин, аз мақомоти Вазорати умури дохилӣ ва амнияти миллии Тоҷикистон шиква кардаанд, ки чандин муроҷиату дархости онҳоро бе посух гузоштаанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
