25 фев 2014 12:12Тоҷикистон / Иҷтимоӣ

Аз 16 то 19 сол. Маҳкумияти ҳамлаварони хонаи Дости Бурут

Додгоҳи ноҳияи Файзобод гурӯҳи панҷнафариеро, ки дар роҳзанӣ ва ғорати хонаи Достмурод Ҳакимов, маъруф ба Дости Бурут, муттаҳам мешуданд, аз 16 то 19 сол аз озодӣ маҳрум кардааст. Сайфиддин Камолов, раисикунандаи мурофиа, дар сӯҳбат бо “Озодагон” гуфт, ин ҳукм ҳанӯз дар моҳи январи соли ҷорӣ содир шудааст.

Ба қавли ӯ, “Барзу Ҳакимов ва Маҳмадулло 19-солӣ, Фирӯз Шарифов ва Муҳаммад Умаров 17-солӣ ва Санҷидмурод Худойбердиев 16 сол равонаи зиндон шуданд.” Камолов афзуд, маҳкумшудаҳо аз рӯи ҳукми додгоҳи Файзобод ба Додгоҳи олӣ шикояти кассатсионӣ бурда, мунтазири хулосаи ин ниҳоданд.

Ҳамла ба манзили Дости Бурут шаби 8 ба 9 октябри соли гузашта иттифоқ уфтода буд. Мақомоти Вазорати умури дохилӣ дар шарҳи ин ҳодиса гуфта буданд, ки “як гуруҳ аз ҷавонон бо таппончаи бозичагӣ ва кордҳо мусаллаҳ гашта, ниқобу дастпӯшакҳои сохтмониро пӯшидаву ба хонаи Достмурод Ҳакимов ворид мегарданд”. Ба гуфтаи онҳо, ин афрод бо мақсади тасарруфи молу мулки Достмурод Ҳакимов вориди ҷои хоби ӯ гашта, аз кисаи костюмаш 1700 сомонӣ ва аз дастони завҷааш – Гулсун Ҳакимова ду ангуштарӣ ва як дастпонаи тилоиро гирифтаанд. Ба қавли манбаъ, ин афрод инчунин Абдулҳақ, набераи 16-солаи Достмурод Ҳакимовро зери мушту лагад қарор додаанд.

Дости Бурут падари Меъроҷиддин Ҳакимов, узви Маҷлиси Намояндагони Тоҷикистон буда, яке аз тоҷирони муваффақи кишвар дониста мешавад. Ӯ дар деҳаи Мулло Туғмаи Файзобод, тақрибан се километр дуртар аз маркази Файзобод, зиндагӣ мекунад. Бино ба хабарҳое, ки ахиран дастраси мо шуд, Дости Бурут муддате дар бемористони Қарияи Боло бситарӣ буда, ҳоло аз он ҷо мураххас шудааст.

Мӯҳр

Хабарҳои монанд:

Точик

Ачаб давлате. Барои горат 19 сол хабс мекунанд ва барои бо мошин пахш карда куштани се нафар 200 сомон чарима.

Ҷавоб диҳед Иқтибос Шикоят

Behruz az Fayzobod

Dustmurod Hakimov ba shumo umri daroz va salomatiro orzumandam , mo mardumi fayzobod medonem ki puli shumo halol ast na in ki harom va chixel paydo karded . Fakat salomatii shumo boshad halos boboi Dosti Burut.

Ҷавоб диҳед Иқтибос Шикоят

Файз

И Дост хдш кати бачохош хамаги аз таги дор гурехтаанд. Онхо аз гуфтахои боло чизе беш нестанд. Агар бовар накунед, аз дилхох мардаки хамсояаш пурсед!

Ҷавоб диҳед Иқтибос Шикоят

амир

Ана аку кора бинед! Ин бобои дости Буруд весаш вазбинаст. Барои хамин горатгархо 16,19,17 сол мегиранд. Ин чунин писари Хукумов А ,ки бо мошин пахш кард 3 нафар чон бохтан 200 сомони чарима шуд. Ана он рузноманигоре,ки дар нохияи Масчох буд исмашро фаромуш кардам бо иттихоми 100$ пора гирифтанаш 8 сол аз озоди махрум шуд.ва Зайд Саид ро бо иттихом 26 сол пушти панчара нишаст.Аммо мовини раиси Суди Оли Нур Нуров бо иттихоми 100 000$ хеч рузе пушти панчара на нишаст. Суд уро сафед кард. .... Инро адолати судхои Точикистон мегуянд.

Ҷавоб диҳед Иқтибос Шикоят

Эзоҳ илова кунед