24 фев 2014 12:08Тоҷикистон / Қазияи Зайд Саидов / Сиёсат

Ҷавоби Басбӣ Холова ба вакилони Зайд ва тарафдорияш аз Абдулхайров

Басбӣ Холова, муовини раиси Додгоҳи олии Тоҷикистон, аз он ки то ҳол матни ҳукми зиндони Зайд Саидов дастраси вакилони мудофеаш нашудааст, ҳимоят карда, онро қонунӣ хондааст. Шавкат Абдулхайров, раисикунандаи мурофиаи Зайд Саидов, шарт гузошта буд, танҳо дар сурати ифшо нашудани ҷузъиёти он матни ҳукмро дастрас хоҳад кард.

Шӯҳрат Қудратов, яке аз се вакили дифои Зайд Саидов, дар сӯҳбат бо “Озодагон” гуфт, муовини раиси Додгоҳи олӣ ин амали Абдулхайровро “дар доираи қонун” донистааст. Ӯ гуфт, “мо аз болои шартгузории Шавкат Абдулхайров ба Додгоҳи олӣ шикоят кардем. Чун ӯ аз мо хоҳиш кард, ки баъд аз гирифтани ҳалнома зери санад имзо гузорем, ки дар сурати ифшо кардани ҷузъиёти он нисбат ба мо парвандаи ҷиноӣ боз хоҳад шуд. Ин амали ғайриқонунӣ ҳаст. Аммо муовини раиси Додгоҳи олӣ ба мо ҷавоб дод, ки дархости Шавкат Абдулхайров дар доираи қонун аст.”

Зайд Саидов, соҳибкор, вазири пешини саноат ва раҳбари Ҳизби Тоҷикистони нав, моҳи майи соли гузашта, ҳангоми бозгашт аз Фаронса, дар ҳоле ки масунияти вакили шаҳриро дошт, дар фурудгоҳи Душанбе боздошт гардид. Мақомот ӯро ба бисёрзанӣ, қаллобӣ, ришват, сӯистифода аз мақом ва таҷовуз ба номус муттаҳам карда, моҳи декабри 2013 ба 26 соли зиндон маҳкум намуданд. Вакилони мудофеи Зайд Саидов дар ҷараёни мурофиаи додгоҳӣ ва ҳоло низ ба бегуноҳии нафари таҳти ҳимояти худ пофишорӣ доранд. Онҳо мегӯянд, ҷаноби Саидов дар ҳеч кадом аз иттиҳомоте, ки мақомот ба номи ӯ пайванд медиҳанд, даст надорад. Вале худи ӯ ҳангоми ироаи сухани охиринаш дар додгоҳ гуфтааст, агар маҳкумияти ӯ ба наъфи миллат ва суботи ҷомеаи тоҷик зарур аст, пас, ӯ метавонад зиндонӣ бошад.

Бо гузашти ду моҳ аз замони эълони ҳукми Зайд Саидов вакилони мудофеи ӯ то ҳол натавонистаанд матни ин ҳукмро дастрас кунанд. Онҳо мегӯянд, танҳо дар сурати дастрас шудани матни ҳукм рӯшан хоҳад шуд, ки нафари таҳти ҳимояти онҳоро ба чӣ далеле барои 26 сол равонаи зиндон кардаанд ва баъдан шикояти кассатсионӣ хоҳанд бурд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Ба Басби Холова

Шумо ками мекардед дар ин казия! Эхтиет шавед ки худованд барои шумохо делахои калон кушодааст! Эхтиёт шуда шохидии бардуруг додана бас кунед!

Зайдулло иншоаллох оянда дорад мебарояд Точикистона мешукуфонад!

Ҷавоб диҳед Иқтибос Шикоят

Додхох

Ман хам хукукшиносам, лекин ба яктарафа барраси шудани парвандаи сиёсии З.Саидов хело ошуфтахолам. Аз дастоварди истикЛОЛият шукрона мекнунем лекин як низоми пасти судиро рохандози намудем , ки замони салтанати Мангитияро ба хотир меорад. Чи тавр ин Судяхои мо худашон конуншикани намуда адвокатхоро тахдид менамоянд. Чунин тахдиди судяхо ба ин тартиб дар чахон шояд бесобика бошад. Низоми суди мустакилияти худро надорад...

Ҷавоб диҳед Иқтибос Шикоят

тарафдор

Зайд ҳақ ва ҳақҷу буд ва мемонад ин спектаклҳо ҷойгоҳи ин марди бузургро дар дили миллату ватан кам нмекунад

Ҷавоб диҳед Иқтибос Шикоят

Aql

Hadisi payombar s.a.s : az 3 to SUDyA- 2 tash duzakhiay : yake az nishonahoi okhiri dunyo , khudaton khulosatona barored sudyaho shumo nagztar medoned ,farmon az bolo shavad na parvoi kiyomat dored va az Khudo ham sharm namedored... OZODAGON chop ku ki da gunohshon sharik meshay

Ҷавоб диҳед Иқтибос Шикоят

шухрат

Чароги зулми золим то дами махшар намесузад,
Агар сузад шабе сузад шаби дигар намесузад!!!

Ҷавоб диҳед Иқтибос Шикоят

Эзоҳ илова кунед