14 фев 2014 15:59Тоҷикистон / Фарҳангу адаб
Ҳазфи “ов”-у “вич” аз насаби раисони Хуҷанду Исфара ва Конибодому Панҷакент
Инчунин, раҳбарони Хуҷанд, Конибодом, Исфара ва Истаравшану Ғончӣ низ пасвандҳои русиро аз насаби худ берун кардаанд. Раҷаббой Каримов, раиси шаҳри Хуҷанд аз ин ба баъд Аҳмадзода Раҷаббой ва Даврон Зоҳидов -- раиси Исфара Зоҳидзода Даврони Абдуқодир номида мешаванд. Раиси шаҳри Панҷакент Хисрав Абдуназаров низ насаби худро ба Хисрави Абдуназар тағйир додааст.
Чанде пештар мудири шӯъбаи сабти асноди ҳолатҳои шаҳрвандӣ дар вилояти Суғд дар сӯҳбат бо мо гуфта буд, ки танҳо дар моҳи январи соли ҷорӣ барои тағйири насаб беш аз 500 нафар муроҷиат кардаанд, ки як гуруҳи онҳоро мақомдорон ва кормандони ниҳодҳои давлатӣ ташкил медиҳанд. Дар давоми соли 2013 беш аз 4 ҳазор сокини Суғд барои қайди ивази ному насаби худ ба Раёсати асноди ҳолати шаҳрвандии назди Вазорати адлияи Тоҷикистон дар вилоят муроҷиат кардаанд.
Ҳазфи пасвандҳои русии “ов”-у “вич” аз ному насаби мансабдорони тоҷик дар пайи даъвати раисиҷумҳур Эмомалӣ Раҳмон дар моҳи марти соли 2007 сурат мегирад. То кунун чанде аз мансабдорон дар пайравӣ ба раисиҷумҳур, ки ному насаби худро аз Эмомалӣ Раҳмонов ба Эмомалӣ Раҳмон табдил додааст, аз баҳри “ов”-у “вич” гузаштаанд.
Шерхон Салимзода, додситони кулли Тоҷикистон, дар ҷаласаи солонаи ҳукумат аз таваҷҷуҳи зиёди шаҳрвандони кишвар ба насабгузорӣ тариқи пасвандҳои “ов” ва “вич” интиқод намуда, онро далели заъфи ғояи миллии афроди алоҳида хонд. Дар пайи ин, дарҳол Қосим Қосимов, вазири кишоварзӣ эълон кард, ки насаби худро ба Қосими Раҳбар тадил додааст. Инчунин, Фаттоҳ Саидов, раиси Оҷонсии зидди фасоди молӣ, ному насаби худро ба Абдуфаттоҳи Ғоиб, Гавҳар Шарофова, раиси Кумитаи забон ва истилоҳот ба Гавҳар Шарофзода ва Шарифхон Самиев, раиси шаҳри Қӯрғонтеппа ба Самӣ Шариф тағйир доданд.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
