14 фев 2014 11:05Хабарҳои ҷаҳон

Карзай: Амрико ба коре, ки марбут ба он нест, набояд дахолат кунад

Ҳомид Карзай, раисиҷумҳури Афғонистон аз озодии 65 маҳбуси зиндони Баграми кишвараш истиқбол ва вокуниши Амрико дар ин бобатро зиёдаравӣ хондааст.

Карзай дар пайи мулоқоти се ҷонибаи раҳбарони Афғонистону Покистон ва Туркия дар Анқара гуфтааст, Иёлоти Муттаҳидаи Амрико набояд ба озодии маҳбусони зиндони кишвараш дахолат кунад. Ӯ дар шарҳи гуфтаҳояш, афзудааст, “Афғонистон як кишвари мустақил буда, вақте мақомоти додгоҳияш барои озодии маҳбусе тасмим мегиранд, ба ин набояд Амрико дахолат кунад, чун ин кор ба он ҳеч тааллуқе надорад.

Раисиҷумҳури Афғонистон дар идома ибрози умедворӣ кардааст, ки Вашингтон аз усулҳои фишороварӣ болои мақомоти додгоҳии кишвараш даст бардошта, ба ҳокимияти миллии Кобул эҳтиром мегузорад.

Мақомоти афғон ахиран дар пайи як қарори раисиҷумҳури кишвари худ 65 зиндонии Баграмро ба озодӣ бароварданд, ки бо вокуниш ва эътирози Амрико рӯбарӯ шуд. Сафорати Амрико дар Кобул бо пахши як изҳорот ин иқдоми ҳамтоёни афғонашро таассуфбор хонда, гуфт, шахсони ба озодӣ баромада “басо хатарнок” мебошанд.

Мӯҳр

Хабарҳои монанд:

Далер

Пули Амрикоро хурда хурда то ин дарача омад Карзай. Охир одам ин кадар курнамак намешавад. :)
Бисерии хешу табораш шахрванди Амрико хастанд аллакай. Чи хел пулу мансаб одамро маст мекардааст!!!

Ҷавоб диҳед Иқтибос Шикоят

диловар

хато мекуни бародар якум амрико кайхо дар ивази пулаш хостаашро ба даст овардагияй, дуюм чигунае ки ба гумони карзай амрико бо толибон хамкори мекунаду ва вактхои охир куштори мардуми осошита зиед шудааст ман сад дар сад бо карзай розиям, зеро амрико давлате нест ки ба ваьдахояш устувор бошад, сеюм пеши ру биер давлатхои ироку, мисру, либияву сурия, чи фикр мекуни да ин давлатхо мардум худаш ба майдон баромадан? не! ба хамаи ин амрико ба хадафхои нопоки худаш расидан ин кишвархоро ба чанги шахрванди расонд, фикр накун амрико хамту аз пеши худаш ердам мекунад,бар ивази як дахчанд мегирад!! фикр намекуни чаро махз дар вакти баромадани нато аз афгонистон хучуми толибон зиед гашт? ин яке аз хадафхои амрико аст ки нишон дихад бинен агар сарбозони мо да афгонистон намонанд вазь аз ин бадтар мешавад, ва фаромуш накун ки амрико худ як давлате аст ки аз толибон пуштибони мекунад ва инро танхо дар паси парда нигох медорад!! амрико агар дар хакикат давлати демократи мешид афгонистонро яктараф мон ба дустони худаш хиенат намекард яьне ба телефонхои онхо гуш намедод(олмону фаронсаву и тд), гап зиедасту АММо......

Ҷавоб диҳед Иқтибос Шикоят

Хушбахт

Далер, чи хел курнамаки? ин рафтор аз эхтиром гузоштан ба халки худ, хисси баланди милли доштан аст. Касе ба ту пул дихад курнамаки нашавад гуфта халкатро нест ва ё мефуруши? афсус овар аст, ки мо баъзан шохиди чунин холатхо мешавем.

Ҷавоб диҳед Иқтибос Шикоят

Эзоҳ илова кунед