14 фев 2014 10:35Тоҷикистон / Дин ва зиндагӣ / Сиёсат

Иттиҳоди Амрико ва Аврупо алайҳи маҳдудиятҳои динӣ дар... Тоҷикистон

Масъулони Кумисюни Амрико оид ба озодиҳои динӣ дар мулоқоти нахустини худ бо гуруҳи кории Иттиҳодияи Аврупо дар Брюссел қарор кардаанд, ки минбаъд алайҳи маҳдудсозиҳои динӣ дар кишварҳои ҷаҳон муттаҳид хоҳанд шуд.

Торнамои "Вашингтон пост" хабар медиҳад, Мерӣ Ан Глендон, масъули Амрико оид ба озодиҳои динӣ зимни мулоқот гуфтааст, “вақте танҳо як кишвар аз маҳдудиятҳо дар кишвари дигар гап мезанад, метавонад дар дуруғгӯӣ муттаҳам шавад. Аммо вақте чандин кишвар муштарак аз мушкилоти диндорон дар ин ё он кишвар ҳарф мезананд, метавонанд, натиҷаеро ба бор оранд.”

Денис Йонг ва Петер Дален, роҳбарони гуруҳи кории Иттиҳоди Аврупо оид ба озодии дину ақида, таъкид кардаанд, ки дар сиёсати хориҷии ин иттиҳод бояд озодиҳои динӣ бештар мавриди таваҷҷуҳ қарор бигиранд. Онҳо аз ҷумла 15 кишвари ҷаҳонро зикр кардаанд, ки вазъи озодии дину ақида дар онҳо нисбатан нигаронкунанда мебошад ва Тоҷикистон низ ба қатори ин кишварҳо шомил шудааст.

Ин дар ҳолест, ки Кумисюни Амрико низ дар соли 2013 ба Департаменти давлатии ин кишвар маслиҳат додааст, Бирма, Чин, Эритерия, Эрон, Куриёи Шимолӣ, Арабистони Саудӣ, Судон, Узбакистон, Миср, Ироқ, Нигерия, Покистон, Тоҷикистон, Туркманистон ва Ветнамро ба рӯйхати кишварҳое ворид кунад, ки вазъи озодии дину ақида дар онҳо аз ҳама бадтар аст.

Масъулини Иттиҳоди Аврупою Амрико мегӯянд, дар бисёре аз ин кишварҳо намояндагони дин ба далели таъмини амнияту мубориза бо ифротгароӣ мавриди таъқиб қарор гирифта, даҳҳо нафар зиндонӣ мешаванд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

мусалмон

Чи кор дорен ба диндорон о шумо гурухои тераристиро ташкил мекунеду боз пуштибонии онхоро бар ухда гирифтаед ин чи номаъкулист чаро шумо ин амалхоро мекунед . ЭЙ МУСАЛМОНО ХУШЁР БОШЕД КАСЕ ГАМИ МУСАЛМОНРО НАМЕХУРАД ИН САФСАТААСТ.

Ҷавоб диҳед Иқтибос Шикоят

Дилёб

Ягона рохе ки Амрико мехохад тарики он хадафхои сиёсии худро пиёда кунад ин дин аст, зеро нозукии хар кавму миллат хам дин аст. Маагар рузи ба сари кишвархои арабзабон омада тачрибаи мо намешавад? Дар холе ба ин инкдоми Амрико мувофик бояд шуд ки чуз Исолм дар кишвад ба дигар динхо афзалият дода нашавад. То хар гуна ихтилофхои динию мазхаби боиси ноороми дар кишварамон нагардад. Аз чанд чараёни мазхабие мисли "вахобия"-ву "салафия" ва гайра ки хадафхои сиёси доштанд ба хости Яздон нав рахои ёфтем.

Ҷавоб диҳед Иқтибос Шикоят

Туракул

ЦРУ-нагз-мефахмад-ки-бо-ру-овардан-ба-сиёсат
и-дини-ва-хурофотпарастии-махсусан-м
услумонон-метавон-онхоро-то-киёмат-чун-гуло
ми-халкабардуш-истифода-бурд!

Ҷавоб диҳед Иқтибос Шикоят

Anas

قول الله تعالى: {ولن ترضى عنك اليهود ولا النصارى حتى تتبع ملتهم} [البقرة: 120] .
Яҳудон ва масеҳиён тарсоён аз ту хушнуд намешаванд, то ба ойинашон гардан ниҳӣ. Бигӯ: «Ҳидоят, ҳидоятест, ки аз ҷониби Худо бошад». Агар аз он пас, ки Худо туро огоҳ кардааст, аз хостаи онҳо пайравӣ кунӣ, ҳеҷ ёвару мададгоре аз ҷониби ӯ нахоҳӣ дошт.(СУРАИ БАКАРА ояи 120)

инхо хеч вакт ба манфиати Мусалмонхо сухан намегуянд балки хадафашо пахн гардонидани дини худашон аст.

Ҷавоб диҳед Иқтибос Шикоят

Эзоҳ илова кунед