14 фев 2014 09:38Оcиёи Марказӣ / Тоҷикистон

Ҷаласаи якҷояи Алимардонов ва Мамитов дар "Ало-Арча"-и Бишкек

Тоқон Мамитов, ноиби нахуствазири Қирғизистон, дар ҷаласаи ҳайатҳои Душанбеву Бишкек дар “Ало-Арча” гуфтааст, кишвараш тамоми мушкил бо Тоҷикистонро аз роҳи музокирот ҳал хоҳад кард. Ин ҷаласа рӯзи 14 феврал таҳти раёсати Мамитов ва Муродалӣ Алимардонов, муовини сарвазири Тоҷикистон оғоз ёфт.

Ҷониби Тоҷикистон пешниҳод кардааст, дар ҷаласаи рӯзи 14 феврал дар Бишкек масъалаи ифтитоҳи гузаргоҳҳои марзии миёни кишвар бо Қирғизистон, ки якҷониба баста шудааст, баррасӣ гардад. Ин гузаргоҳҳо дар пайи тирпаронии 11 январи соли ҷорӣ миёни марзбонҳои тоҷику қирғиз дар маҳалли Хоҷаи Аъло аз сӯи Бишкек баста шуданд. Манобеи расмии Тоҷикистон мегӯянд, “дар ҷаласаи Бишкек ҷонибҳо масъалаҳои татбиқи амалии мувофиқаҳоеро, ки дар вохӯриҳои қаблии рӯзҳои 30-31 январи соли 2014 ба даст омада буданд, баррасӣ мекунанд”.

Дар пайи тавофуқи рӯзи 31 январи Муродалӣ Алимардон, ноиби нахуствазири Тоҷикистон, бо ҳамтои қирғизаш -- Тоқон Мамитов се гуруҳи кории махсус аз Душанбеву Бишкек ташкил шуда буд. Ин гуруҳҳо 5 феврали соли ҷорӣ ҷаласаи нахустини худро дар Исфара баргузор карда, кори худро аз Хоҷаи Аъло, маҳалли тирпаронии 11 январ миёни марзбонҳои тоҷику қирғиз, шурӯъ намуда буданд.

Ба иттилои дафтари матбуоти Вазорати умури хориҷии Тоҷикистон, “аз ҷониби Душанбе гуруҳи корӣ оид ба масоили низомию марзро Шералӣ Хайруллоев, ёрдамчии раисиҷумҳур оид ба амният, гуруҳи корӣ оид ба мушаххас ва аломатгузории марзро Маҳмадтоҳир Зокиров, раиси Кумитаи заминсозӣ ва гуруҳи корӣ оид ба истифодаи роҳҳои наздимарзиро Хайрулло Асозода, вазири нақлиёти Тоҷикистон роҳбарӣ доранд.”

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Бахти Рахмон

Ин пешниходи мансабдорони моро бубинеда аввал чиро талаб доранд бигзор баста партоянд тамоми марзхояшро мо чиро талаб кунем якумин хамин маконхои моро ки газб кардаанд онро ба Точикистон баргардонем. Ин чиро нишон медихад хонандаи мухтарам худат фахм ки ин барои тичорат (бизнес)- и як гурух таалук дорад то рохро боз кунаду тичорати онхо пеш равад лек афсус барои халки камбагал.

Ҷавоб диҳед Иқтибос Шикоят

Холабача

Албатта агар чониби киргиз рохро боз кунад мо назди онхо забонкутох мешавем. Манфиати як гурухчаи майда аз манфиати халк дар мо албатта боло меистад "гур сузаду дег чушад" - дар хакки хамин мардуми мансабдори мост. Ин Муродали ба пулшумури устост. - Шох Искандаровро равон кардан даркор буд ба гуфтушунид...

Ҷавоб диҳед Иқтибос Шикоят

сауд

шумо алимардону дигарат савод доред ё ки буздилед биёред мардхои ба ору номуса дар мансабхои соз монед мардум рохи зиндагиша ёбад рахо кунед аз зиндонхо ёкубу гафора бубинед шерхоро дар кафас мондаеду рубохчахо кати давлатдори кардан намешавад ай хоби гарон хезед давлату миллат ба нести меояд

Ҷавоб диҳед Иқтибос Шикоят

Эзоҳ илова кунед