Харухико Курода дубора президент интихоб шуд

Харухико Курода барои дуввумин бор президенти Бонки Рушди Осиё интихоб гардида, то соли 2016  дар ин симмат фаъолият хоҳад кард.

---

Дар ин бора ба «Озодагон» аз намояндагии ин ниҳоди молии байнулмилалӣ дар Душанбе иттилоъ доданд. Гуфта мешавад, ин тасмим дар ҷаласаи ахири Шӯрои мудирони БРО гирифта шуда, ҷаноби Курода бо як овоз ба ҳайси президент интихоб шуд. Ёдрас менамоем, Харухико Курода бори нахуст моҳи ноябри соли 2004 президенти БРО интихоб гардида, 1 феврали соли 2005 ба иҷрои вазифаҳояш расман шурӯъ карда буд.

Маврид ба тазаккур аст, ки дар давраи роҳбарии ӯ, сармояи аввалияи Бонк  се маротиба афзоиш ёфта, аз 55 миллиард доллар ба 165 миллиард доллари ИМА баробар шуд, ҳаҷми маблағгузории ройгони Бунёди Рушди Осиё ба маротиб зиёд гардидааст.   {jathumbnail off} Мӯҳр