Панҷшанбе, 3 Апрел 2025
Ромиси 7-моҳа дар Русия мунтазири ҷарроҳист ва ба пул ниёз дорад

Ромис Бобоев, кӯдаки ҳафтмоҳаи тоҷик, ба пайванд намудани фаврии ҷигар ниёз дорад. Модари ӯ мегӯяд, омодааст, барои тифли хурдсолаш ҷигари худро бидиҳад, аммо барои гузарондани ҷарроҳӣ маблағи кофӣ надоранд.
Ин ҷарроҳии мушкил дар шароити Тоҷикистон ғайриимкон аст ва табибони Пажӯҳишгоҳи илмии Шумакови Маскав ба далели шаҳрванди хориҷӣ будани Ромис барои гузарондани ин ҷарроҳӣ 3 миллион рубли русӣ талаб доранд. Оилаи Бобоевҳо, ки аз ноҳияи Панҷакент ба Маскав рафтаанд, чунин маблағро надоранд. Падари хонавода Азизқул - барқчӣ ва ҳамсари ӯ хонашин мебошад, аммо 6 моҳ боз сарвари оила низ овораи давутоз барои табобати фарзандаш шуда, наметавонад ба кор барояд. Бемории ҷигари Ромисро дар думоҳагияш ёфтаанд, ки бо мурури вақт хуруҷ мекунад ва табибон мегӯянд, ҳар чӣ зудтар бояд ҷарроҳӣ гузаронда шавад.
Падари Ромис, Азизқул, дар суҳбат бо сомонаи интернетии “Русия барои ҳама” изҳор доштааст, ки алакай як бор дили писараш аз кор мондааст ва табибон ҳушдор додаанд, ки ба наздикӣ метавонанд, гурдаҳояш низ аз кор монанд. Дар ҳамин ҳол Фондҳои хайриявии Русия низ зимни ҷамъоварии маблағ барои Ромис ба мушкилот дучор шудаанд.
Алексей Мошкович, мудири фонди хайриявии “Жизнь как чудо” изҳор доштааст, тибқи оиннома онҳо ҳаққи ҷамъоварии маблағ танҳо барои шаҳрвандони Русияро доранд, аммо Ромис шаҳрванди Тоҷикистон аст. Бо ин вуҷуд, Мошкович таъкид кардааст, ки фонди онҳо ба сифати миёнарав барои кумак ба Ромис баромад мекунад. Ҳоло умеди асосии наздикони Ромис ба ҷамъияти тоҷикон марбут аст.
Хоҳишмандони кумак ба Ромис метавонанд, тариқи корти бонкии волидонаш дар “Сбербанк”-и Русия ёриашонро ироа кунанд, ки рақамаш 4276 8402 1285 3392 мебошад. Бо падари Ромис, Азизқул Бобоев метавонед тариқи телефони +7 925 803-30-33 дар тамос шавед.
Инчунин, хоҳишмандон имкон доранд, ба ҳамоҳангсози фонди хайриявии “Жизнь как чудо” Екатерина Шлик бо телефони +7 916 706-06-95 ё почтаи электронии kozyk@yandex.ru тамос гиранд.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |