08 фев 2014 12:25Тоҷикистон / Қазияи Зайд Саидов / Сиёсат

Талаби HRW аз ҳукумати Тоҷикистон барои озодии Зайд Саидов

Ҳюман Райтс Вотч ё Дидбони ҳуқуқи башар 26 сол ҳукми зиндони Зайд Саидов, соҳибкор, вазири пешини саноат ва раҳбари Ҳизби Тоҷикистони навро, зарбаи сахте ба озодии баён дар Тоҷикистон дониста, хостори раҳоии ӯ шудааст. Ҷаноби Саидов 25 декабри соли гузашта бо ҳукми Додгоҳи олӣ равонаи зиндон гардид.

Ҳюман Райтс Вотч таъкид мекунад, ки қазияи боздошти Зайд Саидов аз рӯзҳои аввал ғайриқонунӣ буд. Ба гуфтаи он, соҳибкори муваффақи тоҷик дар ҳоле аз сӯи мақомоти қудратӣ ҳангоми вурудаш ба Ватан боздошт шудааст, ки ҳаққи дахлнопазирии вакили шаҳриро дошт. “Танҳо баъд аз як рӯзи боздошт саросемавор шӯрои вакилони шаҳриро даъват ва бо овоздиҳии фаврӣ, ки дар он худи Зайд Саидов ҳузур надошт, дахлнопазирии ӯро бекор карданд”,-омадааст дар гузорииш Ддибони ҳуқуқи башар.

Дидбони ҳуқуқи башар бо такя ба як манбаи наздики худ ба Шӯрои вакилони шаҳрӣ, ки аз бурдани номаш худдорӣ кардааст, мегӯяд, ҳукумати Душанбе мустақиман аз дастгоҳи президенти Тоҷикистон барои гирдиҳам овардани фаврии вакилон ва лағви дахлнопазирии Саидов дастур гирифтааст. Стив Свердлов, таҳлилгари Ҳюман Райтс Вотч дар умури Осиёи Марказӣ гуфтааст, "ҳукми Саидов барои берун кардани рақиб аз саҳнаи сиёсӣ буд.” Ӯ мегӯяд, изҳороти мансабдорони болоии тоҷик тавассути барномаҳои телевизионҳои давлатӣ дар бораи гунаҳкории Саидов аз номустақилияти мақомоти додгоҳӣ дар Тоҷикистон дарак медиҳад.

Ин созмон бар ин аст, ки Эмомалӣ Раҳмон, раисиҷумҳури Тоҷикистон дар ҳоле дар интихоботи президентии 6 ноябри кишвараш пирӯз шудааст, ки дар ин маърака муборизаи воқеии сиёсӣ эҳсос намешуд: “Мақомоти тоҷик дар фазои пешазинтихоботии худ бо маҳдуд кардани озодии баён, ҳабс кардани раҳбарони мухолифон ва саъй барои баргардонидани мухолифони сарсахти дар хориҷбуда банд буданд. Аз ин рӯ, Ҳюман Райтс Вотч аз ҳукумати феълии Тоҷикистон талаб мекунад, ки даст аз таъқиби мухолифони сиёсии худ бардорад.”

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

DUST

Салом ба назарам ин Дидбони ҳуқуқи башар нав аз хоб бедор шудааст. дар бораи кадом қонун гап мезанад худаш намедонад.Таҳлигар Стив Свердлов муъомила бо ҳуқуқро дар меъёрҳои ҷаҳонӣ пешкаш кардаистода аст,дар ҳоле, ки мо хела пештар аз қонунҳои ҷаҳонӣ, дар ҳаракатем. Талаби озодӣ дар сурате метавонад таъсиргузор бошад, ки далилҳои қотеъ ва дахолатҳоӣ миёнаравони беғараз пешкаш карда шаванд.
Ҷаноби Зайд Саидов агар чи дар ҳабс аст, ҳамин ки дар борааш назар доранду суҳбат мекунанд худ нишонгари озодии ин марди миллати тоҷик аст.
Рақиб озорҳо фармуду ҷойи оштӣ нагузошт
Магар оҳӣ саҳархезон сӯи гардун нахоҳад шуд.

Ҷавоб диҳед Иқтибос Шикоят

Искандар ба DUST

Наход,ки чаноби Стив Свердлов бесавод бошаду ту босавод? Ту ба фикрам аз у ЛАГАНБАРДОРОЙ МАДДОХИ.

Ҷавоб диҳед Иқтибос Шикоят

Хурам

Ба казияи Зайд Саидоа наинки бояд Дидбони ҳуқуқи башар HRW дахолат кунад балки тамоми мардуми Точикистон бояд садо баланд кунанд ва дар озод шуданаш сахми худро бигузоранд!!!!

Ҷавоб диҳед Иқтибос Шикоят

инсоф

салом озодагон аз хамин расми заид саид безор шудем кодом вакте .,ки интернетро кушоем ба чашм мезанад

Ҷавоб диҳед Иқтибос Шикоят

Вайс

Талаби HRW аз ҳукумати Тоҷикистон барои озодии Зайд Саидов...

Чи гуна талаб кард??? бо ягон хуччати расми е танхо гузориш?
Механизми баррасии талаб ё изхорот аз чониби макомотхои ЧТ чи гуна бояд бошад? Дигар созмонхои байналмилали нисьати ин изхорот чи воеуниш медиханд? агар хуччати расми набошад ин тахо гапи бекор.... саволхои бечавоб бисёр???????????

Ҷавоб диҳед Иқтибос Шикоят

инсоф

наход хамин заид саид кади екуб салим ва гафор сидои хизмат барои хамин хукумат карда бошад бояд заид гунох кардааст дар назди конун чавоб бигуяд

Ҷавоб диҳед Иқтибос Шикоят

Эзоҳ илова кунед