01 фев 2014 14:23Тоҷикистон / Сиёсат
Ҷузъиёти "тазоҳурот"-и занони норозӣ аз раиси ҲСДТ
Зоиров таъкид мекунад, давоми ду моҳи ахир ин тазоҳуроти дувуми занони “исёнгар” дар дафтари ҲСДТ аст. Дар ҳоле ки, ба гуфтаи ӯ, муроҷиаташ ба Вазорати умури дохилӣ, Кумитаи давлатии амнияти миллӣ ва Додситонии кул дар мавриди пайдо кардани дастандаркорони ин тазоҳурот то ҳол натиҷае надодааст.
Раиси ҲСДТ дар мавриди тазоҳуроти рӯзи якуми феврал меафзояд, “рӯзи 1 феврали соли 2014, соати 10.00, ҷаласаи Шӯрои сиёсии ҲСДТ, яъне як чорабинии дохилиҳизбӣ таъин шуда буд, ки дар он «Консепсияи таҷдиди фаъолияти ҲСДТ барои солҳои 2014-2016», масъалаҳои стратегӣ ва вазифаҳои ҲСДТ барои соли 2014 бояд баррасӣ мешуданд. Аммо, дирӯз, яъне 31.01. 2014 бо сабаби ба ман лозим шудани ёрии тиббӣ ҷаласаи Шӯрои сиёсӣ мавқуф гузошта шуд. Ба ин нигоҳ накарда, рӯзи 1 феврал соати 09:40 дақиқа аз ҳамсояҳо ба ман хабар расид, ки як гуруҳи занон омада, дару тирезаи дафтари ҲСДТ-ро мезананд. Азбаски, ман аз шаҳри Душанбе берун будам, ба чанд нафар аъзои ҳизб ва ҳамсояҳо ба воситаи телефон мулоқот карда хоҳиш кардам, ки воқеияти корро таъҷилан муайян кунед. Маълум шуд, ки дар ҳақиқат як гуруҳи занон, тақрибан 10-12 нафар назди қароргоҳи ҳизб тазоҳурот карда, даъво доштаанд, ки барои чӣ Раҳматилло Зойиров бар зидди президенти Тоҷикистон аст, ӯ аз Тоҷикистон чӣ мехоҳад ва ғайра.”
Раҳбари ҲСДТ меафзояд, соати 9:53 дақиқа ӯ ба сардори Раёсати кофтукоби ҷиноии Душанбе ва раиси маҳалла ба нозирони минтақавӣ телефон карда, онҳоро аз тазоҳуроти занон хабардор кардааст: “То омадани намояндаҳои ҳифзи ҳуқуқ ва узви ҲСДТ, тазоҳуротгарон даъво доштаанд, ки Шӯрои сиёсии ҲСДТ дар қароргоҳ паси дарҳои пӯшида ҷарён дораду акнун аз тарсу ҳарос дари қароргоҳро ба мо намекушоянд. Вақте ба онҳо мегӯянд, ки дар қароргоҳ ягон ҷаласа нест, онҳо бовар накарда, талаб мекунанд, ки ба қароргоҳ ворид шаванд. Ҳамин тавр як нафарашон даромада мебинад ва эълон мекунад, ки дар қароргоҳ ҳеч кас нест.”
Бо вуҷуди ин, Зоиров таъкид мекунад, ки 4-5 нафари тазоҳуротгарон “мо то охир меистем” гуфта, тазоҳуротро давом медиҳанд: “Ҳамин вақт ба ҷои ҳодиса намояндаҳои Раёсати кофтукоби ҷиноии шаҳри Душанбе, нозирони минтақавӣ, муовини раиси ҲСДТ, адвокат Шуҳрат Қудратов ва дигарон мерасанд ва бо ҳамроҳии ин 4-5 нафар тазоҳургарон ба идораи корхонаи манзили №13 ворид шуда, ному насаби тазоҳургаронро муқаррар мекунанд. Дар ин ҳолат, ба намояндаи Раёсати кофтукоби ҷиноии шаҳри Душанбе ба воситаи телефон занг зада мешаваду ӯ ин 4-5 нафарро бе пурсиш ё гирифтани баёнот ҷавоб медиҳад.”
Зоиров илова кард, феълан табобаташро қатъ карда, барои дарёфти иттилои бештар ба Душанбе баргашта, ояндаи наздик дар мавриди тазоҳуротгарон иттилои муфассал пахш хоҳад кард.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
