21 янв 2014 10:12Тоҷикистон / Бишкеку Душанбе / Сиёсат

Раиси Кумитаи замин дар бораи баҳсҳои марзӣ бо Тошканду Бишкек (ВИДЕО)

Маҳмадтоир Зокиров, раиси Кумитаи давлатии идораи замин ва геодезии Тоҷикистон, рӯзи 21 январ дар нишасти хабарӣ ба мавзӯи заминҳои баҳсии наздимарзӣ дахл карда, гуфт, ҳоло дар баробари Қирғизистон бо Узбакистон низ баҳсҳо вуҷуд доранд.

Зокиров гуфт, айни ҳол бо Узбакистон 90 гектар замини баҳсӣ боқӣ мондааст: “То ҳол миёни Узбакистону Тоҷикистон 1 000 гектар аломатгузорӣ шуда, ратификатсия гардидааст.”

Раиси Кумитаи идораи замини Тоҷикистон изҳори боварӣ намуд, ки баҳсҳои ахиран шиддатёфта бо Қирғизистон дар масъалаи замин ба эътидол омада, аз роҳи гуфтушунид ҳал хоҳанд шуд: “Миёни Тоҷикистону Қирғизистон комиссияи муштараки ҳукуматӣ дар масъалаи марз фаъолият дорад ва феълан дар самти аломатгузории марзҳо кор мебарад.”

Тоҷикистону Қирғизистон тӯли 970 километр марзи муштарак доранд, ки аз он 567 километраш аломатгузорӣ шудаасту бас. Ин номуайянӣ боис мегардад, ки миёни сокинони наздимарзӣ мунтазам даргириҳо сурат мегиранд ва ахиран тирпарронӣ миёни марзбонҳои ду кишвар мояи муттаҳамсозии тарафайн шудааст.

Мӯҳр

Хабарҳои монанд:

точик

Мухтарам раис 1000 км.кв - ро ба Хитоихо ки доден Киргиз хам замин талаб карда истодааст. Ана сарчашмаи ин корхо.

Ҷавоб диҳед Иқтибос Шикоят

патриот

Дидед нафакат киргизхо боз узбакхо низ чунин карда истодаанд.Чаро мо оиди Самарканду Бухоро бахс намекунем? Шахси камкуватро хамма мезанад. Аз аввал бояд заминро ба Хитой намедодем акнун гайри Душанбе хамма заминхо аз тарафи хамсояхо гирифта мешавад ва аз дасти мо чорае намеояд. Ман инро 2-сол пеш гуфта будам.

Ҷавоб диҳед Иқтибос Шикоят

Эзоҳ илова кунед