17 янв 2014 10:58Тоҷикистон / Иҷтимоӣ

Тақдири норавшани тоҷики 23-сола дар Иёлоти Муттаҳида

Тақдири Ашӯрмаҳмад Миралиев, шаҳрванди боздоштшудаи Тоҷикистон, дар Амрико норавшан боқӣ мондааст. Ин ҷавони 23-солаи тоҷик дар робита ба қазияи паноҳандаи чечен Иброҳим Тодашев ҳанӯз моҳи сентябри соли гузашта дар иёлати Флоридаи Амрико боздошт шуда буд. Тодашев дӯсти Темирлан Тсарнаев (чечен), муттаҳам ба бомбгузории моҳи апрели 2013 дар шаҳри Бостони Амрико мебошад, ки зимни бозпурсӣ дар бораи ин қазия аз тарафи кормандони FBI ё Хадамоти Федеролии Таҳқиқоти Амрико кушта шуда буд.

Ин ҳама дар ҳолест, ки Сафорати Тоҷикистон дар Иёлоти Муттаҳида аз додани иттилоъ дар бораи Миралиев худдорӣ мекунад. Хабаргузории “Озодагон” тӯли даҳ рӯз ба намояндагии кишвар дар Амрико муроҷиат карда, вале то ҳол посух дарёфт накардааст. Сукути сафорати Тоҷикистон дар Амрико дар ҳолест, ки ба ҷуз аз хабари боздошти ин ҷавони 23-солаи тоҷик, дигар дар бораи вазъу ҳол ва гунаҳкорӣ ё бегуноҳии ӯ иттилои дигаре нест.

Дар лаҳзаҳои аввали боздошти Миралиев, хабаргузории "Ассошиэйтед Пресс” ба нақл аз мақомоти пулиси иёлати Флорида навишта буд, ҳангоми боздошташ бо ӯ як духтари 19-сола, ки аз ӯ Татяна Груздева ном гирифта мешавад, низ будааст. Пулиси Амрико мегӯяд, ин духтар яке аз дӯстдухтарон ва ҳамхонаҳои Тодашев мебошад, ки баъд аз марги ӯ бо Миралиев дар хонаи паноҳандаи чечен ба сар мебурдаанд.

Дар бомбгузории рӯзи 15 апрели соли гузашта дар шаҳри Бостон ҳангоми дави марафонӣ, 3 нафар кушта ва садҳо тани дигар маҷрӯҳ шуда буданд. Мақомоти амниятии Амрико дар ин ҳодиса ду бародари чечен – Темирлан ва Ҷавҳар Тсарнаевҳоро айбдор карданд. Темирлан дар ҷараёни амалиёти боздошти пулис ба ҳалокат расид.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Имя хрен

Хама бегунох!! пул гунох дорад

Ҷавоб диҳед Иқтибос Шикоят

muhojir

Saforati Tojikiston dar Amriko az dastash yagon kor nameoyad yakbor ba in saforat omada korkunonashro bined!
haftai guzashta yak javoni tojikro murdaashro az New York hamsifonash firistodand. Ya'ne mutaxasise nadorad ki az payi in koro shavad

Ҷавоб диҳед Иқтибос Шикоят

Ozod

Ozodagon mebakhshi 1 marotiba Saforati TJK dar Amricora biyo holashro bin hatto ba'zei onho ba zaboni english harf zada nametavonand!!!!!!!

Ҷавоб диҳед Иқтибос Шикоят

Рустам

Бачаи хуб метоваву неки худша хайф кардаст. Охи бо террор ба чое намерасй...

Ҷавоб диҳед Иқтибос Шикоят

Эзоҳ илова кунед