14 янв 2014 10:36Тоҷикистон / Мусоҳибаҳо / Видео

ВИДЕО: 482 хизматчии давлатии нафақахӯр ҷойро холӣ накардаанд

Агентии хизмати давлатии Тоҷикистон мегӯяд, ба ҳолати аввали соли равон дар кишвар беш аз 18 ҳазору 700 нафар хизматчии давлатӣ ба кор фаро гирифта шудаанд, ки 23,4 дарсади онҳоро занон ташкил медиҳанд.

Грез Қосимов, муовини сардори Агентии хизмати давлатии Тоҷикистон, имрӯз, 14-уми январ, зимни нишасти матбуотӣ дар Душанбе гуфт, феълан миёни хизматчиёни давлатӣ 482 нафарашон нафақахӯр мебошанд. Ӯ афзуд, ки соли гузашта 94 хизматчии давлатиро ба нафақа гусел карда, муҳлати хизмати 81 нафар тамдид карда шуд. Қосимов дар шарҳи тамдиди муҳлати фаъолияти бархе аз нафақахӯрон гуфт, ин дар асоси аризаи худи онҳо ва мавҷудиёти эҳтиёҷ ба корашон сурат гирифтааст.

Ин дар ҳолест, ки дастгоҳи раисиҷумҳури Тоҷикистон аввали соли гузашта ба ниҳодҳои давлатӣ супориш дода буд, ки кормандони нафақахӯрро гусел кунанду ҷавононро ба ҷои кор таъмин созанд.

Дар ҳамин ҳол Қосимов таъкид кард, ки ҷалби ҷавонон ба хизмати давлатӣ дар Тоҷикистон майли афзоиш дорад. Ӯ теъдоди ҷавононро миёни хизматчиёни давлатӣ 40,9 дарсад арзёбӣ намуд. Дар мавриди маоши хизматчиёни давлатӣ Қосимов таъкид кард, ки тайи соли гузашта ҳаҷми он ҳудуди 15-20 дарсад боло рафта, феълан ба ҳисоби миёна 995 сомониро ташкил медиҳад.

Мӯҳр

Хабарҳои монанд:

Саъди

Оё бо 405 ва ё 450 чалб кардани чавонон ба кор имкният дорад? Бо ин маош у мачбур аст,ки як умр мучаррад кор кунад.
хахахаха

Ҷавоб диҳед Иқтибос Шикоят

Абдухоча

Оё директорони пажухишгоххои Академияи илмхо хизматчии давлати хастанд? Агар ха, пас чаро онхоро ба нафака гусел намекунед? Охир, ин "бечорахо" бисёр хаста шуданд. Бигзор боз чавонтархо хизмат кунанд.

Ҷавоб диҳед Иқтибос Шикоят

бекорчи

хизматчиёни давлати танхо аз чайби мардум руз мегузаронанду халос он чойхои сердаромаданд барои хамин курсиро ба каси дигар додан намехоханд.

Ҷавоб диҳед Иқтибос Шикоят

Эзоҳ илова кунед