13 янв 2014 11:59Тоҷикистон / Сиёсат

Дурии 2 630 кӯдак аз таълим ва ҳозир нашудани омӯзгорон ба мактаб

Вазорати маориф ва илми Тоҷикистон мегӯяд, бисёре аз хатмкунандагони риштаи омӯзгорӣ ба макотиб дар навоҳӣ ҳозир намешаванд ва дар кишвар ҳамоно камбуди муаллимон ҷой дорад.

Раҳматулло Мирбобоев, муовини аввали вазири маориф ва илми Тоҷикистон, имрӯз, 13-уми декабр гуфт, дар Бадахшон 12 нафар, Хатлон 245, Суғд – 70, Душанбе – 16 ва ноҳияҳои тобеи марказ 134 омӯзгор намерасад: “Соли 2013 риштаҳои омӯзгориро дар кишвар 3 ҳазору 870 нафар хатм карда, ба макотиби навоҳии Тоҷикистон роҳхат гирифтанд. Аммо ба ҷои кор ҳамагӣ 2 ҳазору 441 нафар ҳозир шудаанд.”

Мирбобоев афзуд, ки соли таҳсили 2013, 2 ҳазору 630 нафар кӯдаки синни мактабӣ дар Тоҷикистон аз таълим дур мондаанд, ки 1479 нафарашонро духтарҳо ташкил медиҳанд. Муовини вазир далели асосии аз таҳсил мондани кӯдаконро дур ҷойгир шудани муассисаҳои таълимӣ гуфт.

Мӯҳр

Хабарҳои монанд:

Рухшона

Мухтарам муовини аввали вазир. мебахшеду дар худи як мактаби шахри душанбе 2-3 омузгор намерасад . Лекин дар чумхури 3826 мактаб фаъолият дорад, дар хар як мактаб агар 1 омузгор нарасад ин норасои ба 3826 нафарро ташкил медихад, агар 2 нафари ин алакай ба 6 хазор нафар мерасад. дар давраи шурави кариб 6 хазор омузгор нарасид . 447 нафар омузгор факат дар ш. Душанбе норасоии омузгор ба чашм мерасад.

Ҷавоб диҳед Иқтибос Шикоят

аналитик

Дуруст гуфтед Рухшона, маълумоти маъоиф хам нисбати омзгорон ва хам аз таълим дур монда нодуруст. Соли сеюм мешавад, ки "2 630 нафар кӯдаки синни мактабӣ дар Тоҷикистон аз таълим дур мондаанд" Ин маълумот дар соли 2012,2013 акнун дар соли 2014 хам. Вакте, ки маълумот омориро пешниход мекунед як маротиба бо солхои пеш мукоиса кунед. Ин маълумоти шумо дар се сол аз 2630 не кам мешавад ва не зиёд.

Ҷавоб диҳед Иқтибос Шикоят

Эзоҳ илова кунед