11 янв 2014 10:38Тоҷикистон / Иҷтимоӣ

Саидов дар бораи лағви баҳои “5” ва худкушии 79 ноболиғ

Вазорати маориф ва илми Тоҷикистон тасмим гирифтааст, баҳои панҷро, ки барои хонандаҳои аълохон дар макотиби миёна гузошта мешуд, аз байн бурда, ба ҷояш баҳогузории 100-холаро таъин кунад. Дар ин бора Нуриддин Саидов, вазири маориф ва илм, дар ҷаласаи солонаи Вазорати маориф хабар дода, гуфтааст, “Академияи таҳсилот зарурати ба баҳогузории 100-хола гузаштанро бо истифода аз таҷрибаи давлатҳои мутамаддин тасдиқ намуд.”

Вай афзудааст, Пажӯҳишгоҳи рушди маориф бояд роҳҳои гузариш ба низоми нави баҳогузориро дар муассисаҳои таҳсилоти миёна таҳқиқ карда, баъдан аз натиҷааш ба вазири маориф ва илм хабар диҳад. Оқои Саидов дар идома дар бораи ба таҳсил фаро гирифтани кӯдакони имконияташон маҳдуд дар муассисаҳои таҳсилоти умумӣ низ сӯҳбат кардааст. Вай гуфтааст, ҳарчанд дар ин замина санадҳои меъёрии ҳуқуқӣ ва таълимию методӣ қабул гардидаанд, вале дар Тоҷикистон ҳанӯз норасоии омӯзгорон, барнома ва маводи таълимии ёрирасон, муҳайё намудани шароити таълимӣ барои кӯдакони имконияташон маҳдуд вуҷуд дорад.

Вазири маориф дар ҷаласаи солонаи ниҳодаш аз таҳсил дур мондани хонандагон, бахусус духтаронро, яке дигар аз мушкилоти асосӣ донистааст. Ба қавли ӯ, тафтиши онҳо маълум карда, ки “яке аз омилҳои аз мактаб дур мондани хонандагон ин дур будани муассисаҳои таҳсилоти умумии асосӣ ва миёнаи умумӣ аз ҷои зисти хонандагон мебошад”. “Дар ин самт 25 июли соли 2013 ҷиҳати ба муассисаҳои таҳсилоти умумии асосӣ ва миёнаи умумӣ табдил додани муассисаҳои таҳсилоти ибтидоӣ ба унвони раисони вилоят, шаҳру ноҳияҳои ҷумҳурӣ мактуб фиристодам”,-афзудааст ӯ.

Ба қавли вазир, давоми 11 моҳи соли гузашта аз ҷониби ноболиғон 682 ҷиноят ба қайд гирифта шудааст, ки нисбат ба ҳамин давраи соли 2012 137 ҷиноят (25,14 %) бештар аст. Инчунин, ба иттилои ӯ, тайи 11 моҳ 79 ноболиғ худкушӣ кардаанд, ки 40 нафарашон духтарон ва 39 нафарашон писар мебошанд.

Мӯҳр

Хабарҳои монанд:

Tursumo

az joyivazkunii jamshavandakho hosili jam tagir nameyobad. vazir tu boyad ba siyosati behtar kardani sifati talimot chi dar maktabi miyona va oli kushish kuni na ba siyosati bahoguzori. sohai maorifi umruza nisbati sohai maorifi badi Jangi Buzurgi Vatani ham pastar shudast. lek bo in ham sharm nakarda guyo ki hama 100% dar sohai maorif baxusus va dar Tojikiston dar umum.

Ҷавоб диҳед Иқтибос Шикоят

Star from the Sky

Мухтарам кормандони сомонаи Озодагон вактеки хабарро омода мекунед, кушиш кунед то холисона мавзуро тахия кунед ва дар охир аз чи сабаб ин ходисахо руй додааст ва бо кадом максад ин фочиа анчом ёфтааст акалан чизе аз он муайян созед, то хонанда хабарро хонаду пурра аз он бархурдор шавад ва хулосаашро барорад. Дар хабар гуфта шудааст, ки 4 нафар шахрвандони Точикистон бар асари як сухтор дар шахри Москов ба халокат расидаанд, аммо ончо кайд нашудааст, ки ин ходиса чи тавр рух додааст. Оё ин фочиа аз сахлангори руйдодааст ё ин ки баркастона?

Ҷавоб диҳед Иқтибос Шикоят

расули гулрези

ман бо бахои панч мехондам. имруз гастарбайтер дар россия.

Ҷавоб диҳед Иқтибос Шикоят

mehrob

БАХОТ 5 еее бахшищ 100

Ҷавоб диҳед Иқтибос Шикоят

Рустам

Яке аз Устодони физик гуфта буд! Агар Вазорати маориф-ро хамчун як майдонча фикр кунем. Ин майдонча ВАЛАНГОР аст. Ин дар вакти А.Рахмонов Вазир будан буд. Акнун дар вакти Саидов вазир шудан ин майдонча на валонгор аст, балки ба биёбон ва харобазор табдил ёфтааст. Агар ЧО ин вазирро аз вазифаш нагирад аз Вазорат сар карда то тамоми Донишгоххо ва мактабхои миёна ба бесоибихо табдил меёбад. Мисоли ин гуфтахои ман Ин факултаи Физикаи ДМТ мебошад

Ҷавоб диҳед Иқтибос Шикоят

Эзоҳ илова кунед