08 янв 2014 13:37Тоҷикистон / Мусоҳибаҳо
ВКД: Аз 127 мошини дуздӣ ягонтояш ба хешони президент тааллуқ надоранд
Ба иттилои манбаъ дар давоми 3 соли охир аз рӯи иттилооти баъзе расонаҳо аз ҳудуди Олмон зиёда аз 50 ҳазор воситаҳои нақлиёт рабуда шудааст: “Аз соли 2011 то инҷониб, ҳангоми бақайдгирии воситаҳои нақлиётие, ки ба Ҷумҳурии Тоҷикистон ворид карда мешавад, 127 далели ворид намудани автомашинаҳои рабудашуда ба қайд гирифта шудааст, ки 57-тои он аз ҳудуди Олмон мебошад. Аммо бояд қайд намуд, ки автомашинаҳои нишондодашуда бо системаи GPS баъд аз 2-3 моҳ ва баъзан баъди ним сол ва зиёда аз ин ба қайди кофтуков дохил шуданд, яъне аз тарафи Олмон ҳангоми дар қайд гузоштани нақлиёти рабудашуда, ба кашолкорӣ роҳ додаанд.”
ВКД шарҳ медиҳад, ки бо ташаббуси роҳбарияти ин ниҳод бақайдгирии автомобилҳои зикргардида ва хариду фурӯши онҳо маҳдудият гузошта шудааст: “Бинобар ин шаҳрвандон нисбати ин маҳдудият ба суд муроҷиат намуда эътироз оварданд, ки дар вақти харид ва ба қайд гузоштан, автомашина дар кофтуков қарор надошт. Мақомоти судии Ҷумҳурии Тоҷикистон муроҷиати шаҳрвандонро баррасӣ намуда, 55 нафар соҳибони ин гуна автомобилҳоро харидорони поквиҷдон эътироф намуд, чунки онҳо ин моликиятро ба воситаи дасти сеюм ва чорум харидорӣ намуданд.”
Ин ниҳод илова намуд, ки мошинҳо аз Олмон ва кишварҳои Прибалтика ворид гашта, аз ҷониби шахсони алоҳида аз соҳибкорони маълуми ин давлатҳо харидорӣ мешаванд: “Бояд тазаккур дод, ки ҳамаи автомашинаҳои нишондодашуда руйхати алоҳида дошта, ягонтои он ба номи аъзоёни Ҳукумати ҷумҳурӣ ва хешовандони наздик ба Президенти Ҷумҳурии Тоҷикистон ба қайд гирифта нашудаанд.”
Вазорати умури дохилӣ таъкид мекунад, ки дар Тоҷикистон ҳангоми ба қайди давлатӣ гирифтан, ҳар як автомашина бо системаи ASF ва I-BATCH, ки бо портали I-Link котиботи Генералии Интерпол пайваст аст, санҷида мешавад: “Дар сурати аз ҷониби системаи мазкур ошкор шудани воситаи нақлиётии рабудашуда ва ё дуздӣ, дарҳол ба таври автоматӣ ба ташаббускори кофтуков хабар дода мешавад. Ташаббускори кофтуков, бояд дар навбати худ тамоми ҳуҷҷатҳои лозимиро тайёр намуда, бо роҳҳои дипломатӣ ба кишваре, ки автомобилҳо ёфт шудаанд, бояд фиристад.”
ВКД-и Тоҷикистон меафзояд, ки то ҳоло ягон хабари расмӣ аз ташаббускори кофтуков аз Олмон ба Бюрои миллии «Интерпол» ворид нашудааст: “Айни замон дар махзани ахбороти Интерпол 7,6 миллион воситаи нақлиёти рабудашуда, ба қайд гирифта шудааст.”
Ҷониби Тоҷикистон зикр мекунад, ки ҳамаи коргузорӣ, ҳамкориии байнидавлатӣ ва байнимақомотӣ ба воситаи ба имзо расонидани шартномаҳои дуҷониба яъне дар асоси заминаи ҳуқуқӣ амалӣ карда мешавад: "Аммо миёни Тоҷикистон ва Олмон ягон ҳуҷҷати ба имзорасида дар ин самт, вуҷуд надорад ва механизми дастгир кардан ва баргардонидани наклиёти рабудашуда пешбинӣ нашудааст."
ВКД илова намуд, ки "аз ҷониби мо лоиҳаи Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Федеративии Олмон дар бораи ҳамкорӣ дар самти мубориза бо ҷинояткорӣ ва амният омода шуда, аз ҷониби Ҳукумати Ҷумҳурии Тоҷикистон пазируфта шуд. Дар моддаи 13-и ин лоиҳа мубориза бо дуздӣ ва гардиши ғайриқонунии воситаҳои нақлиёт дар миқёси байналмилалӣ дарҷ карда шудааст. Аммо то ҳоло ҷавоби расмӣ оиди лоиҳа ба суроғаи мо аз ҷониби Олмон ворид нашудааст."
Ин дар ҳолест, ки ахиран расонаҳои Олмонӣ иттилое нашр карданд, ки тибқи он дар Тоҷикистон 200 мошини дуздии олмонӣ дарёфт шудаанд, ки бисёрашон ба наздикони президент тааллуқ доранд.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
