Тағйироти куллӣ дар бозии футбол ворид мегардад

Федератсияи байналмиллалии футбол - ФИФА тасмим гирифтааст, қойидаҳои бозии футболро тағйир диҳад. Дар мусобиқоти ҷаҳонии футбол дар соли 2014, ки тасмим аст дар Бразилия доир шавад, тартиби дар ҳолати ғайрибозӣ-офсайд каме сабуктар гардад.

Ҳамчунин эҳтимол дорад вуруди бозингари чоруми эҳтиётӣ низ иҷоза дода шавад.Дар ин бора дар нахустҷаласаи Кумитаи мавсум ба Task Force Football 2014, ки ба хотири вориди тағйирот ба қойидаи бозии футбол фаъол шуда, бо ширкати чеҳраҳои маъруфи футболи ҷаҳонӣ Пеле ва  Франс Беккенбауэр, доир гардид, пешниҳод манзур карда шуд. Мақсади аслии вориди тағйирот боз ҳам ҷолибтар кардани ин бозӣ будааст.

 

Пешниҳод гардидаст, ки ҳолати ғайрибозӣ дар ҳолате, ки агар ду рақиб ба ҳам бевосита пайваста бошанд, яъне агар ба якдигар ягон ҷисмашон расида бошад, ба қайд гирифта нашавад. Пештар низ ФИФА аз доварон тақозо мекард, ки ҳолати ғайрибозӣ-офсайд дар чунин  маврид ба нафъи бозингарони тарафи ҳуҷум баррасӣ шавад. Аммо ин кор ҳатто дар сабқатҳои ҷаҳонӣ ва Аврупо низ амалӣ намешудааст.

Ҳамчунин, ин кумита пешниҳод кардааст, ки ҷазои довар дар мавриди шикасти қойидаи бозӣ дар майдончаи ҷаримавӣ, ки феълан бо нишон додани корти сурх, ронда шудани бозингари муҷрим, маҳрум кардани ӯ аз бозии навбатӣ ва ҷаримаи 11  метрӣ анҷом меёфт, бо таъини пеналти ва нишон додани корти зард кифоят карда шавад.

Ҷозеф Блаттер президенти ФИФА низ дар мавриди ворид  кардани системаи дақиқи қайди гол ба дарвоза ибрози назар карда, гуфтааст шурӯъ аз соли 2012 ин қойида ба таври санҷишӣ ворид мешавад ва дар замони сабқати ҷаҳонии футбол он ба таври расмӣ пазируфта хоҳад шуд.

Ҳамчунин мушкилоти доварӣ ва иштибоҳоти қасдона ва ғайриихтиёри онҳо низ дар ин чаласа баррасӣ гардид.

Қарор шуд, ки тасмими ниҳоӣ дар ин самт рӯзи 1 июн - рӯзи баргузории Конгресси ҷаҳонии ФИФА, ки ҳамчунин президенти ин ниҳодро интихоб мекунад, қабул хоҳад шуд.

Ёдрас менамоем, ки ба курсии президенти ФИФА 2 нафар довталабанд: президенти вақти он Ҷозеф Блаттэр ва райиси Конфедератсияи  футболи Осиё -Муҳаммад бин Ҳаммам.{jathumbnail off}

Мӯҳр