28 дек 2013 12:37Тоҷикистон / Иҷтимоӣ

Номаи Нуриддин Саидов ба раҳбарони муассисаҳои таълимӣ

Нуриддин Саидов, вазири маориф ва илми Тоҷикистон, бо ирсоли як нома ба роҳбарони муассисаҳои таълимии кишвар ташкил намудани зиёфату шабнишиниҳо дар робита ба Соли нави мелодиро қатъиян мамнӯъ донистааст. Вай, инчунин, хостааст, аз истифодаи ҳама гуна маводи пиротехникӣ, харидории ҳадяву харҷи беҳуда худдорӣ бишавад.

Дар ин номаи оқои Саидов гуфта шудааст, таҷлили Соли нав аз 25 декабр оғоз гардида, то 31 ҳамин моҳ идома хоҳад дошт. Дар идома таъкид шудааст, ки “ҳангоми чорабиниҳо буридани шохи арчаи табиӣ манъ буда, гузарондани чорабиниҳои солинавӣ то соати 15 аз рӯи сенарияи тасдиқшудаи роҳбари муассисаи таълимӣ гузаронда шавад.”

Вазири маориф ва илм дастур додааст, рӯзи 1 январи соли 2014 бо ҳадафи риояи тартибу низом бо роҳбарии шахсони масъул навбатдории шабонарӯзӣ ташкил гардад. “Дар Соли нави мелодӣ баргузории чорабиниҳои фарҳангиву варзишӣ, шеърхонӣ, озмунҳои рассом, хонандаи беҳтарин, мусобиқаҳои футболи хурд, баскетбол, гӯштигирӣ, бокс, таъсиси газетаи деворӣ ва ғайра иҷозат дода мешавад”,-омадааст дар номаи вазир Нуриддин Саидов.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Ватан

Мухтарам вазир хафа нашавед ин фахмишхои кишлокиатонро партоед. Асри 21 аст на 9 е10. Дилам ба ватанам месузад ки ин хел рохбарони чахонбинии паст дошта моро рохбари мекунанд. Охир ин иди соли нав аст ки кариб дар тамоми мамлакатхои таракикардаи дуне онро чашн мегиранд. Афсус то кай ин хел давом мекарда бошад.

Ҷавоб диҳед Иқтибос Шикоят

Хай

Чаноби Вазир!
Илтимос, хамун мактуби имзокардаатонро як маротиба хонед!
Ба фикри шахсии ман ислохотро дар сохаи маориф аз тахия намудани лоихаи фармони Президенти ЧТ оиди озод намудани худатон аз вазифаи ишголнамудаатон сар кунед, бамаврид мешавад.

Ҷавоб диҳед Иқтибос Шикоят

Барзу

Вазир аз доираи салохият баромадааст. Ичозату танзими баргузории соли нав ба ваколати Вазорати маориф ва илм дохил намешавад. Лекин, кани рохбари гурдадори муассисаи таълими, ки чунин амрхои гайриконуниро ба тарозуи бахси суди кашад? Хайхот, дар низоми мавчуда конун дигар курб надорад...

Ҷавоб диҳед Иқтибос Шикоят

Махмадшариф

Боракаллох чаноби Вазир хеле кори хубу кори савоб кардед.
Худованд ба Шумо Fайрати исломи дихад.
Ман ташаббаха би кавмин фа хува минху.
Аслан ин ид иди мо нест

Ҷавоб диҳед Иқтибос Шикоят

парв

Ба гайр аз чашнгирии соли нав сохаи маориф дигар проблема надошта боша. Бехтараш ба сифати таълиму тарбия ин кадар вакту кушиш сарф намоед. баъзе хонандагони синфхои 10-11 то хатто хонда наметавонанд. фикрашонро баён кардан усу бестат

Ҷавоб диҳед Иқтибос Шикоят

Эзоҳ илова кунед