21 дек 2013 11:32Тоҷикистон / Иҷтимоӣ

Устои сартарош ба хотири қатли мизоҷаш 17 сол аз озодӣ маҳрум шуд

Додгоҳи шаҳри Кулоб Умед Тешаев, устои сартарошро, ки дар куштори як мизоҷи худ, муттаҳам мешавад, ба муҳлати 17 сол аз озодӣ маҳрум кард. Ин сокини шаҳри Кулоб бо мизоҷи худ даст ба гиребон шуда, бо задани 54 корд ба баданаш ӯро ба қатл мерасонад.

Тибқи иттилои пайвандони Тешаев, Додгоҳи шаҳри Кулоб рӯзи 20 декабр ин ҳукмро содир кардааст. Ба гуфтаи онҳо, интизор мерафт, Умед Тешаев ба муддати 25 сол равонаи зиндон шавад, вале ин муҳлат ба хотири ҳозир шудани худи Тешаев ба Шуъбаи корҳои дохилӣ ва дар ҳолати мастӣ қарор доштани ҷабрдида - Абдуррасул Алиеви 50-сола поин бурда шудааст.

Наздикони устои сартарош бар инанд, ки Тешаев ба хотири ҳимоят аз худ даст ба ин амал задааст: “Дар аввал Алиев бо корд ба усто ҳамла мекунад ва Тешаев низ ба хотири муҳофизати худ, кордро ба даст гирифта муқобилият нишон медиҳад, ки ногаҳон ба гулӯи мизоҷаш мезанад.” Онҳо мегӯянд, Тешаев баъд аз буридани гулӯи мизоҷи худ дар ҳолати шок қарор гирифта, боқии ҳодисаро дар ёд надорад.

Вазорати умури дохилии Тоҷикистон аз боздошти як устои сартарош дар шаҳри Кӯлоб хабар дод, ки дар сартарошхонаи худ як нафарро 54 корд зада куштааст. Ин ниҳод гуфта буд, УмедТешаеви 31-сола, ки сокини шаҳри Кӯлоб, санаи 31 августи соли 2013 дар дохили сартарошхонаи худ, бо шаҳрванд Абдуррасул Алиеви 50-сола, истиқоматкунандаи ҳамон ҷо, ҷангу ҷанҷол намуда, бо воситаи корд 54 маротиба ба бадани охирон мезанад. Дар натиҷа Алиев ҷароҳати вазнини ҷисмонӣ бардошта, дар ҷойи ҳодиса ба ҳалокат расида буд.

Мӯҳр

Хабарҳои монанд:

Диловаршох

Ин хам як мукобилият ё дифоъ аз нафси худ кардааст.Фарзанди Амонулло мезанад чанд нафарро мекушаду боз ба 150 сомони халос мешавад.Кучост ин баробархукуки ? Вой бар холи Точикистони азиз.Рафта рафта бо Авгонистон муттахид мешавем.

Ҷавоб диҳед Иқтибос Шикоят

tojik

xair kushtor javob dorad lekin az xud hifozat kardaast naboyad 17-sol boyad kamtar az 10-sol tied.boz murdagi ba dukoni in omada hamla kardaast.

Ҷавоб диҳед Иқтибос Шикоят

саид

Озодагон якумаш ин одамкуш Гайрат ном дорад. Дуюм Алиев маст набуд ва дар дасташам корд набуд. Ноодилона хукм бароварданд бояд на камтар аз 25 сол медоданаш.

Ҷавоб диҳед Иқтибос Шикоят

хатлони

Озодагон, як мухбири вокеъбину тахлилгари хубу лоике доштед дар минтакаи Кулоб бо номи Аслидин Достиев. Рости, маколаву хабархои профи менавишт ва низ хонандаи зиёд дошт. Кучо шуд хамин хабарнигор ва чаро дигар наменависад ва дигар аз вилояти Хатлон кариб ки хабаре дар Озодагон нест. масалан, хафтаи гузашта дар Кулоб 8-нафар гирифтори батулизм гаштаву як кудак мурдааст, вале ягон расонаи хабари аз он хабар надодаанд. Бовар дорам, агар Достиев мебуд ин хабар аллакай дар сайти шумо мебаромад. Оё ин хабарнигор дигар дар Озодагон нест?

Ҷавоб диҳед Иқтибос Шикоят

Рахмонкул

Мана натичаи дуругзании хешу табор ва рафти тафтишоти пешакии нопурра!Сардори махбасрхонаро,марди аслиро,ки 40 сол дар хизмат буд зада кушт!Ё холо девонааш бароварда чавобаш медиханд!

Ҷавоб диҳед Иқтибос Шикоят

Шахноза

Ээээ... Чавони бе акл... Хаети худро сузондааст. Боз дар тюрьма раиси тюрьмаро куштааст. Сабру токат ба наздикони мутахам шаванда.

Ҷавоб диҳед Иқтибос Шикоят

Барно

хаму началники турма як одами хубе буд ки хамара ёрдам мекард.

Ҷавоб диҳед Иқтибос Шикоят

Эзоҳ илова кунед