18 дек 2013 11:54Тоҷикистон / Иҷтимоӣ / Муҳоҷир

Интиқоди Бобоназарова ва мухолифати Кумитаи амният ба қонуни муҳоҷират

Ойниҳол Бобоназарова, роҳбари созмони “Перспектива +”, имрӯз, 18-уми декабр, зимни баррасии ҳифзи ҳуқуқи муҳоҷирони меҳнатии тоҷик аз таъхири қабули қонун дар бораи муҳоҷират дар Тоҷикистон интиқод намуд.

Бобоназарова зимни як ҳамоиш дар Душанбе гуфт, чор сол боз мақомоти тоҷик қабули қонун дар бораи муҳоҷиратро ба таъхир меандозад. Раиси “Перспектива +” таъкид намуд, Фонди молие, ки бояд дар доираи қонуни муҳоҷират ташкил шавад, бояд аз ҳисоби маблағҳои давлат бошад: “Чун агар ин Фонд аз ҳисоби худи муҳоҷирон ташкил шавад, дар ин шароити фасодкорие, ки мо дорем, эҳтимол аст, ки он маблағҳо ба фоидаи муҳоҷирон истифода шаванд.”

Дар ин робита Шарипов Толиб, сардори сарраёсати Хадамоти муҳоҷирати Тоҷикистон таъкид намуд, ки дар ҳоли ҳозир Вазорати молия мухолифи ташкили Фонди махсус барои муҳоҷирон аз ҳисоби буҷаи давлат мебошад.

Таҳлилгарон мегӯянд, қонуни муҳоҷират барои шаҳрвандони тоҷик дар берун аз кишвар имтиёзҳои зиёдеро пешбинӣ намудааст, вале мақомот дар қабули онҳо шитоб намекунанд.

Музаффар Зарифов, роҳбари созмони “Муҳоҷират ва Рушд” таъкид намуд, ки дар ҳоли ҳозир ниҳодҳое ба монанди Вазорати умури хориҷӣ ва Кумитаи амнияти миллии Тоҷикистон мухолифи қабули қонуни муҳоҷират баромад карда истодаанд.

Ин дар ҳолест, ки аз Тоҷикистон дар Русия наздики ду миллион муҳоҷири меҳнатӣ кор мекунанд ва аз нигоҳи ҳуқуқию иҷтимоӣ дар ин кишвар осебпазир арзёбӣ мешаванд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Чаро номи ташкилоташон руси аст: Перспектива? Айб аст.

Ҷавоб диҳед Иқтибос Шикоят

Перспектива калимаи лотинист на руси.

Ҷавоб диҳед Иқтибос Шикоят

Э Р

ҶАВОБ БА Н. БАРОИ ОН КИ ИН ТАШКИЛОТ ВУҶУД НАДОРАД ҲАРЧИ ХОҲАНД НОМ МЕМОНАНД. БЕЧОРАҲО

Ҷавоб диҳед Иқтибос Шикоят

точик

охир хамин кумитаи амниятро бо кабул ё мухолифат кардан барои кабули конуне чи кор? магар инхо намояндаи мардуманд?

Ҷавоб диҳед Иқтибос Шикоят

Shuhrаt

Бародаро,барои чи шумо аз проблемахое,ки Бобоназарова гуфтааст харфе намезанеду ба эродгири мегузаред. Фарк чист номи ин созмон "Перспектива " хаст е чизи дигар. Мухим он,ки ин созмон гами миллатро хурда истодааст. На ба монанди он нафароне,ки дар сари вазифа хастанд ва номхои ташкилоташон хам точикиву милли асту аммо хеч парвои на миллатро доранду на мухочиринро.

Ҷавоб диҳед Иқтибос Шикоят

Эзоҳ илова кунед