18 дек 2013 10:18Тоҷикистон / Сиёсат
КМИР интихоботи миёнадавриро 15-уми феврал таъин кард
Дар ин бора ба хабаргузории “Озодагон” аз Кумитаи марказии интихобот ва раъйпурсии Тоҷикистон хабар доданд.
Интизор аст, барои "пур" кардани курсии холимондаи Марҳабо Ҷабборова, собиқ вакили Маҷлиси Намояндагон ва ҳоло муовини нахуствазир, дар ҳавзаи рақами дуи Исмоили Сомонии Душанбе интихоботи миёндаврӣ баргузор гардад. Инчунин дар ҳавзаи Бохтар низ интизор меравад, ки ба ҷои Амирбек Маҳмадалиев вакили нави Маҷлиси намояндагон интихоб гардад. Маҳмадалиев бо фармони президент раиси ноҳияи Ёвон таъин гардид.
Ин дар ҳолест, ки ахиран ваколати 9 нафар узви Маҷлиси миллии Маҷлиси Олии ҷумҳурӣ низ пеш аз муҳлат қатъ шуд. Аз ҷумла ваколати Қоҳир Расулзода -муовини аввали раиси Маҷлиси миллӣ, собиқ раиси вилояти Суғд ва айни ҳол сарвазир, Қодири Қосим -муовини раиси палатаи болоии Парлумон, собиқ раиси Вилояти Мухтори Куҳистони Бадахшон, раиси кунунии Кумитаи давлатии сармоягузорӣ ва идораи амволи давлатӣ, вазири тозатаъйини нақлиёт Хайрулло Асоев, раисони кумитаҳои Маҷлиси миллӣ Мамадшо Илолов - собиқ президенти Академияи илмҳои ҷумҳурӣ, Давлатшо Гулмаҳмадов -собиқ раиси шаҳри Турсунзода, Ғайбулло Афзалов - собиқ раиси вилояти Хатлон, Ҳамид Абдуллоев -собиқ раиси шаҳри Норак, Қобиламо Ғуломшоева -собиқ раиси ноҳияи Рӯшон ва ваколати узви дигари Маҷлиси миллӣ Шамсмуҳаммад Назриев қатъ шуд.
Ҳамин тариқ, алҳол аз 33 курсии палатаи болоии Парлумони кишвар 9 курсӣ холист. 25 нафар аъзои Маҷлиси миллӣ дар асоси баргузории интихобот аз ҷониби вакилони Маҷлиси вакилони халқи вилоятҳои Суғду Хатлон, Вилояти Мухтори Куҳистони Бадахшон, навоҳии тобеи марказ ва шаҳри Душанбе мутаносибан 5 нафарӣ аз ҳар минтақа интихоб шуда, 8 нафар аъзои дигари Маҷлиси миллӣ аз сӯи Президенти ҷумҳурӣ таъйин карда мешаванд. Нахустин Президенти Тоҷикистон Қаҳҳор Маҳкамов узви доимии палатаи болоии Парлумони мамлакат -Маҷлиси миллӣ мебошад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
