Зоиров гуфт, 10 сол боз, аз замони истеъфояш, таҳти назорати махсус аст (ВИДЕО)
“Даҳ сол пеш, вақте бо нишони эътироз аз фаъолият дар ҳукумати мавҷуда худдорӣ намуда ба истеъфо рафтам, барои ҳукумат ғайри қобили қабул буд. Ҳамон замон супориши махсус шуд, то аз ҳар кор ва қадами ман назорат баранд. Дар ҳолатҳое барои ибрози назар маҳдудиятҳо эҷод куннанд”,-афзуд Зоиров.
Раиси ҲСДТ ин ҳарфҳоро рӯзи 13 декабр, баъд аз он ки занони мӯътариз барои гуфтушунид ба қароргоҳи ҳизбаш наомаданд, баён дошт. Вай як рӯз пеш бо пахши эълон аз ин занон, ки ӯро хоин хонда, интиқодаш аз ҳукуматро нодуруст шуморида буданд, даъват карда буд, барои як гуфтушунид ба назди ӯ оянд. Зоиров мегӯяд, дар ҳоле ки онҳо ба гуфтушунид наомаданд, маълум мешавад, “ин эътироз муташаккил буд”. Дар ҳоле ки ба гуфтаи ӯ, бархе аз эътирозгарон дар Идораи пулис кор мекунанд ва ӯ ному насаби онҳоро низ дақиқ кардааст.
Раҳбари ҲСДТ мегӯяд, аризаи даъвоии худро алайҳи тазоҳургарон, ки бештар аз раисиҷумҳур Эмомалӣ Раҳмон тарафдорӣ мекарданд, омода кардааст ва соатҳои наздик ба Додситони кулл хоҳад супурд. “Додситонии кулл то куҷо ба ин масъала расидагӣ мекунад ё на, ин аз иродаи сиёсии ҳамон масъул вобаста аст. Чун ба тахмини ман барҳам додани нишаст дар дафтари кории ман бо супориши мақомоти амниятии шаҳри Душанбе ва ё Вазорати умури дохилӣ сурат гирифтааст”,-илова намуд Раҳматилло Зоиров.
Дар ҳамин ҳол Шӯрои сиёсии ҲСДТ низ бо пахши як изҳорот аз Додситонии кул талаб кард, ки суроға ва шахсияти тазоҳургаронро муайян намуда, ба рафтори онҳо баҳои ҳуқуқӣ диҳад. Шӯрои сиёсии ҲСДТ бо такя ба таҳлилу пурсишҳои пешакӣ муайян намудааст, ки тазоҳургарон гуруҳи махсусанд, ки миёнашон се корманди ВКД ва як корманди Кумитаи амният низ будааст. Аз ҷумла ба иттилои Шӯрои сиёсӣ он зане, ки Зоировро дар ҳаводиси Хоруғ муттаҳам карда, гуфт, шавҳараш дар он ҳодисаҳо фавтидааст, собиқ корманди амният буда, умуман фарзанду ҳамсар надоштааст.
Субҳи рӯзи 10 декабр ҳангоме ки Раҳматилло Зоиров баъди бозгашт аз сафар ба Украина нишасти матбуотӣ доир менамуд, як гуруҳи 20-нафарӣ вориди дафтари кории ӯ шуда, шӯру мағал бардоштанд. Эътирозгарон дар даъвои худ бештар аз Эмомалӣ Раҳмон ба унвони президенти намунавӣ ва мардумӣ ёд карда, мегуфтанд, Зоиров боиси норомии кишвар ва ҳамчунин омили аслии даргириҳои тобистони соли 2012 дар Бадахшон будааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
