13 дек 2013 08:51Тоҷикистон / Сиёсат

Даргузашти собиқ номзад ба мақоми президенти Тоҷикистон

Бобишо Шоев, собиқ довталаби курсии президенти Тоҷикистон дар интихоботи соли 1991, аз фишорбаландӣ дар зиндон даргузаштааст. Бар асоси хабарҳое, ки дастраси мо шуд, ҷасади ӯро 12 декабр дар Душанбе ба хок супоридаанд.

Як манбаи наздик ба хонаводаи Бобишо Шоев дар сӯҳбат ба “Озодагон” гуфт, ӯ дар зиндон хеле лоғар шудааст. Вай, ки то ноябри соли 2011 раҳбарии корхонаи манзилию коммуналии ширкати “Нафту газ ва ангишт”-и Вазорати энержӣ ва саноатро бар ӯҳда дошт, бо иттиҳоми қаллобӣ боздошт шуда ва баъдан аз сӯи додгоҳи шаҳри Душанбе барои 18 сол равонаи зиндон гардид.

Мақомот гуфта буданд, оқои Шоев аз хазинаи ин корхона беш аз 400 ҳазор сомониро гирифта, барои “ниёзҳои шахсияш” истифода намудааст. Инчунин, ӯ ба гирифтани ришва барои хусусӣ кардани баъзе манзилҳои истиқоматӣ ва ҷудо намудани қитъаи замин барои шаҳрвандон муттаҳам мешуд.

Бобишо Шоев дар нахустин интихоботи президентии Тоҷикистон дар соли 1991 дар баробари 10 тани дигар муддаии курсии президентӣ буд, ки Раҳмон Набиев, Давлати Худоназар, Сайфиддин Тӯраев, Бӯрихон Салимов аз қабили онҳоянд. Агарчӣ оқои Шоев дар ин интихобот рақиби ҷиддӣ дониста намешуд, вале баромадҳои таблиғотии ӯ дар бораи кашидани хатти барқ барои ҳаракати троллейбус аз Душанбе то Кӯлоб дар ёдҳо мондааст.

Бобишо Шоев, узви Ҳизби халқӣ-демократӣ буда, чанд бор вакили маҷлиси шаҳри Душанбе низ интихоб гардидааст. Вай зодаи Файзобод аст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Mahmud

Умед дорам ки чура ва идеологаш аламхон ахмедов собик вазири тандурусти низ дар назди конун ба мисли бобишо шоев чавоб мегуяд.
Саравал хостанд хардуяшонро шинонанд лекин ахмедов кумбара доду канда кард!
Азмедов аламхон омодаги бенед ба сари шумо хам мебиеянд !

Ҷавоб диҳед Иқтибос Шикоят

Эшон

Мурдан хак аст бародарон! хамин баъзан одамон фикр мекунанд намемуранд хато мекунед бародаро инкадар дунёя сахт накапед чавоб додан даркор дар тахи гур! (худо рахматаш кунад ин одама)

Ҷавоб диҳед Иқтибос Шикоят

Nodir

Бобишо ва аламхон ахмедов собик вазири тандурусти тичорати муштараки фуруши дорухо барои аклхои носолим яъне психотропные лекарства ки нихоят гаронанд, доштанд
Акнун бизнес аз ки мешавад вакт нишон медихад!
Озодагон аз аламхон ахмедов интервью мегирифтед басо бамаврид мешуд!

Ҷавоб диҳед Иқтибос Шикоят

Эзоҳ илова кунед