12 дек 2013 12:18Оcиёи Марказӣ / Узбакистон

Таҳқиқот: Занони узбак иҷборан безурёт карда мешаванд

Наталя Антелава, хабарнигори минтақавии Бӣ-Бӣ-Сӣ дар Осиёи Марказӣ аз 10 то 13 декабри соли ҷорӣ дар шаҳри Ню Йорк ва Вашингтони Амрико дар бораи безурётсозии иҷбории занон дар Узбакистон гузориш медиҳад. Ин гузориш бо дастгирӣ ва ҳимояти Бунёди “Ҷомеаи боз” таҳия гардидааст.

Барномаи безурётсозии занон дар Узбакистон аз соли 1999 ба ин сӯ ба таври маҷбурӣ иҷро мешавад. Тибқи ин барнома даҳҳо ҳазор зани узбак, ки ду ва ё зиёда аз он фарзанд ба дунё овардаанд, иҷборан безурёт гардидаанд. Бояд гуфт, дар бештар маврид ҳадафи ин барнома занони бо вазъияти иҷтимоию иқтисодӣ поин ва ақаллиятҳои қавмӣ қарор мегиранд.

Намояндагони муассисаҳои тандурустии Узбакистон барои иҷрои барномаи безурётсозии занон таҳти фишор қарор дошта, муваззафанд, ин амри аз боло "дастуршуда"-ро иҷро кунанд.

Дар гузориши хабарнигори Б-Бӣ-Сӣ аз ҷумла омадааст, ки таҳқиқоти ду сола, мусоҳибаҳо бо даҳҳо нафар аз қурбониён, 14 тан аз табибони ҳирфаӣ, бахусус ду мақоми баландпояи Вазорати тандурустии Узбакистон, дармон ва баррасии 53 нафар аз табибон дар саросари Узбакистон бозгӯи он мебошад, ки безурётсозии иҷбории занон дар ин кишвар ангезаи сиёсӣ мебошад.

Мӯҳр

Хабарҳои монанд:

Бовар

Шояд ба чумлаи акаллиятхои милли точикони мо хам дохил бошанд...(Харчанд дар Узбакистон точикон хеч гох акаллияти милли набуданду нестанд ва сохиби асли он сарзаминанд ва баръакс дигарон омадаанд) Бе ин хам дар ин чумхурии "дуст ва бародар" и мо барои равонан( рухан) нест кардани точикони мо ва онхоро узбак сохтан солхои дароз кор мекунанд. Акнун ин боз як кушиши точикситезхои шовинист ва пантуркисти Узбакистон барои нест кардани точикон аст. Мо, рушанфикрон бояд бо муаллифи ин гузориш ва точикони Узбакистон гуфтугухо карда, вокеиятро рушан кунем ва пеши рохи ин нажодпарастони узбакро бигирем!

Ҷавоб диҳед Иқтибос Шикоят

Эзоҳ илова кунед