10 дек 2013 09:39Тоҷикистон / Сиёсат
Нопадид шудани Усмон Азимов дар Русия ва нигаронии AI
Ин шаҳрванди 34-солаи Тоҷикистон 3 декабри соли ҷорӣ аз боздоштгоҳи муваққат барои муҳоҷирони ғайриқонунӣ дар шаҳри Твер беному нишон шудааст. Cозмони Авфи Байналмилал аз он дар ташвиш аст, ки Азимов бо роҳи ғайриқонунӣ ба Тоҷикистон, ки ба эҳтимоли қавӣ дар ин кишвар мавриди шиканҷа ва ҳукми ноодилона қарор хоҳад гирифт, интиқол дода шавад.
Тибқи иттилои ҳомиёни ҳуқуқи башар панҷ тан аз афроди ношинос, ки дуи онҳо дар тан либоси пулис доштааст, рӯзи 3 декабр тақрибан соати 20:00 ба вақти маҳаллӣ вориди боздоштгоҳи муваққати муҳоҷирон дар Твер гардида, Азимовро ҳамроҳи худ дар як мошини сиёҳшиша бурдаанд. Созмони Авфи Байналмилал мегӯяд, Азимов ба додгоҳи ҳуқуқи башари Аврупо “ECHR” барои баррасии масъалаи истирдодаш ба Ватан дархост фиристода буд. Рӯзи 18 апрели соли ҷорӣ додгоҳи ҳуқуқи башари Аврупо ба хулосае омад, ки истирдоди Азимов ба Тоҷикистон хилофи моддаи 3-и Конвенсияи ҳуқуқи башари Аврупо мебошад. Дар ҳамин ҳол, мақомоти Маскав барои ҷилавгирӣ аз бозпас додани ин шаҳрванди Тоҷикистон ба ватанаш вазифадор шуда, барои даст задан ба иқдомоти лозима ва риояи қарори додгоҳи Аврупо огоҳонида шудааст.
Усмон Азимов рӯзи 3 ноябри соли 2010 аз сӯи мақомоти низомии Русия боздошт гардида буд. Дар он замон ӯ аз мақомоти Маскав ҳаққи паноҳандаи сиёсии ин кишварро талаб кард. Аммо дархости Азимов рад гардид. Сипас додгоҳи Русия барои истирдодаш ба ватан иҷоза дод, ки дар ин ҳол Азимов ба додгоҳи ҳуқуқи башари Аврупо барои баррасии ин масъала шикоят бурд.
Созмони Авфи Байналмилал мегӯяд, солҳои охир мавориди рабуда шудан ва истирдоди ғайриқонунии шаҳрвандони Тоҷикистон аз Русия ба ватан, ки гӯиё ба гуфтаи мақомоти Душанбе дар нақзи қонун муттаҳам мешаванд, зиёд ба чашм мерасад.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
