09 дек 2013 09:31Тоҷикистон / Сиёсат

Данғара аз “лимит” барзиёд барқ мегирад

Данғара, ягона ноҳияи Тоҷикистон аст, ки лимит дар он риоя мешавад ва ҳатто аз меъёр барзиёд барқ мегирад.

Иттифоқи истеъмолгарони Тоҷикистон, ки сатҳи таъминот бо барқ дар навоҳии кишварро пайгирӣ мекунад, ҳисоб кардааст, ки аз 10-уми ноябр то аввали моҳи декабр ноҳияи Данғара ба ҳисоби миёна дар як шабонарӯз 11 соат барқ гирифтааст, ки аз меъёри лимит барзиёд аст. Ин дар ҳолест, ки ба иттилои ин Иттифоқ дар навоҳии дигари Тоҷикистон лимит риоя намешавад ва мардум ба ҷои 9 соат дар як шабонарӯз 5-8 соат барқ мегиранд.

Тибқи ҳисоби Иттифоқи истеъмолгарони Тоҷикистон, давоми моҳи ноябр дар навоҳии тобеи марказ Ҳисор, Файзобод, Турсунзода ба ҳисоби миёна 6 соат, Нуробод – 8 соат ва дигарон 7 соатӣ барқ гирифтаанд. Дар вилояти Суғд ноҳияи Зафаробод 5 соат ва навоҳии дигар 6-7 соатӣ барқ гирифтаанд. Дар вилояти Хатлон ба ҳисоби Иттифоқи истеъмолгарони Тоҷикистон ноҳияи Данғара 11 соат, Ховалингу Сарбанд 8 соат ва навоҳии дигари вилоят 7 соатӣ барқ дастрас кардаанд. Шаҳри Кӯлоб дар моҳи ноябр ба ҳисоби миёна 14 соат дар як шабонарӯз бо барқ таъмин будааст.

Ширкати “Барқи тоҷик” соли равон барои сарфаи обу энержӣ реҷаи маҳдудияти барқ ё худ лимитро ҳанӯз 26-уми октябр ҷорӣ намуда, баъдтар онро шадидтар намуд. Айни ҳол ба иттилои ин ширкат мардуми навоҳии кишвар бояд аз соати 5-00 то 9-00-и субҳ ва аз соати 17:00 то 22:00-и шаб барқ гиранд, ки дар амал пурра иҷро нашуда истодааст. Ин дар ҳолест, ки қаблан гуфта мешуд, маҳдудият ба шаҳрҳои Душанбе, Хуҷанд, Қӯрғонтеппа, Турсунзода ва Чкалов дахл надорад.

Мӯҳр

Хабарҳои монанд:

ДАРГАРА

Аз кучо тахлил кардааст мо хамонро надидем. Ман худ истифодабарандаи кувваи барк хастем безор шудем аз лимиту дигараш, барвакт барк хомуш мешавад хонахо сард, чораандеши ба худову банда маълум да аку

Ҷавоб диҳед Иқтибос Шикоят

ман аз Фархор

'5-00 то 9-00-и субҳ ва аз соати 17:00 то 22:00-и шаб' агар амихел барк дихан мода сад фоиз ризоем. Амо ин меъёр тамоман риоя намеша. То 6-7 соат барк мегирем, онахам низ дар як вакти муаян не. Аз тарафи шаб доим дар байн ним соатиша мебран. Хулас аму ним соате, ки мебран ай вакти хуроки шомхриай.

Ҷавоб диҳед Иқтибос Шикоят

впп

мо дар данғар зиндаги мекунему барқи 11 соатара дар надидаем ин таҳлилгаро неке ГЭС-и норака дида бошанд.

Ҷавоб диҳед Иқтибос Шикоят

Устои барк

Дар нохияи Восеъ,махсусан чамоати М.Махмадали кувваи барк 6 соат дода мешавад:аз соати 17то21 ва аз соати 6то8.Ягон макомоте бошад,ки ин амалхоро назорат кунад?

Ҷавоб диҳед Иқтибос Шикоят

Дангара зодгохам

Дар дангара соати 6:00 то 8:00 бегох бошад 17:00 то 21:00 барка мебини тамом.

Ҷавоб диҳед Иқтибос Шикоят

Мухаммади

ин тахлилгарону рузноманигорон корашон факат фитнаангезиву хангомаджуи асту бас.

Ҷавоб диҳед Иқтибос Шикоят

Нораки

Лимитш чияй

Ҷавоб диҳед Иқтибос Шикоят

Эзоҳ илова кунед