03 дек 2013 10:21Тоҷикистон / Тема дня

“Барқи тоҷик” тарафдори боло бурдани қимати нерӯи барқ

Ширкати “Барқи тоҷик”, ки идораи низоми электроэнержӣ дар Тоҷикистон ба ӯҳда дорад, барои рушди соҳа афзоиши нархи барқро зарур мешуморад.

Нозирҷон Ёдгорӣ, сухангӯи ин ширкат, рӯзи 3 декабр дар суҳбат ба «Озодагон» гуфт, аз рӯи тавсияи Бонки Ҷаҳонӣ нархи барқ дар Тоҷикистон бояд ҳадди ақал 2,5 сент бошад: “Лекин ҳоло нархи миёнаи барқ дар кишвар 1,83 сент аст, ки хеле арзон мебошад ва яке аз сабабҳои норасоии барқ ва бӯҳрони энержӣ дар Тоҷикистон низ ҳамин аст.”

Ёдгорӣ иброз дошт, ба назари ӯ нархи барқ бояд афзоиш ёбад то тамоми хароҷоти соҳа пӯшонда шавад: “Агар мо хоҳем, ки система пеш равад, бояд нарх боло бардошта шавад”. Дар баробари ин, сухангӯи “Барқи тоҷик” афзуд, то ҳол ширкаташон расман барои боло бурдани нархи барқ ба ҳукумати Тоҷикистон пешниҳоде накардааст.

Ин дар ҳолест, ки Бонки Ҷаҳонӣ дигарбора ба ҳукумати Тоҷикистон маслиҳат додааст, нархи нерӯи барқ дар кишварро боло бубарад. Дар маслиҳатҳое, ки Бонки Ҷаҳонӣ барои рушди энержии Тоҷикистон ироа намудааст, боло бурдани нархи барқ аз омилҳои аслии ҷалби сармояи дохилию хориҷӣ ба ин соҳа арзёбӣ мешавад. Ин ниҳоди байналмилалӣ мегӯяд, бо нархҳои мавҷудаи барқ сармоягузорӣ дар бахши энержии Тоҷикистон муфид нест.

Бонки Ҷаҳонӣ меафзояд, гароншавии нархи барқ мардумро ба сарфакорӣ водор мекунад. Тибқи созиши Бонки ҷаҳонӣ ва Тоҷикистон нархи барқ дар соли 2013 бояд ҳудуди 3 сент сари ҳар киловатро ташкил медод. Аммо айни ҳол нерӯи барқ барои мардуми Тоҷикистон ба қимати 2,5 сент фурӯхта мешавад. Вале корхонаи алюмнийи тоҷик, ки сеяки барқи тавлидшударо дар Тоҷикистон истифода мебарад, бо нархи камтар аз 2 сент барқ мегирад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Талхак

Бонки Чахони чи пешниходе кардааст, нархи баркро дар Точикистон бояд боло бурд. Магар ин Бонки Чахониро миёнаш дард кардааст хар чизе,ки дар дахонаш биёяд хамонро мегуяд. Боре мо нашунидаем,ки Бонки Чахони гуфта бошад чаро маоши акали мардум боло бурда намешавад. Боз боиси таасуф аст,ки корхонаи алюмнийи тоҷик, ки сеяки барқи тавлидшударо дар Тоҷикистон истифода мебарад, бо нархи камтар аз 2 сент барқ мегирад. Бубинед ин чи беинсофи магар корхонаи алюмнийи тоҷик гадо шудаст. Чаро ба хамаи мардуми камбизоъат нархи баркро ба қимати 2,5 сент фурӯхта мешавад ва барои корхонаи алюминий 2 сент??? чаро???

Ҷавоб диҳед Иқтибос Шикоят

зарина

Пардохти маблаги барк, ки 1,83 сентро ташкил менамояд, барои мардуми точик, ки аксарияташон камбизоат мебошанд, айни хол гарони дорад. бе ин ам, мардуми точик неруи баркро бо як сарфаю сариштакорона истифода мебаранд. Агар киммати барк ба гуфти сухангуи Ширкати барки точик шавад, вой ба холи мардуми точик!

Ҷавоб диҳед Иқтибос Шикоят

Пулхои хурдаи собик раиси барки точикро аз халки бечора местонанд вой бар холи шумо ки чабр бар Сари камбагал мекунед .

Ҷавоб диҳед Иқтибос Шикоят

Abdullo

Талхак,
барои онки ТАЛКО оптови клент мебошад ва хати баландшидати 500 кВ дорад талафоти барк хамаги 0,5%ро ташкил медихад. Дар хамаи давлатхо хаминхел оптови клентоба арзон медиханд.

Ҷавоб диҳед Иқтибос Шикоят

Торикбой

Охир мардумро мачбур мекунед ки инкилоб кунанд...зинда бод Торикистон!!! Ба пеш!!!Ураааааа!!!

Ҷавоб диҳед Иқтибос Шикоят

Шахрванд

Пули баркро зиёд кунед, обашро хам, мусорашро хам, комуналиашро хам, андози замину хонаро хам, кифоя накунад, пули хавои нафасмекашидамонро хам илова кунед, - мо гсфандвор аз дахони кудаконамон зада, супоридан мегирем.

Ҷавоб диҳед Иқтибос Шикоят

озод

радиои махкуми озодагон....

Ҷавоб диҳед Иқтибос Шикоят

носир

Киматам кунанд ягон бехбуди намешавад.

Ҷавоб диҳед Иқтибос Шикоят

Ман

Точикистон давлати сохибистиклол асту чаро ба дархости дигарон амал мекунад, охир худаш магар каллаву акл надорад? Не, не. Ин аслан дархости бонки чахони нест ин худи барки ТОЧИК СЕР НАШУДАИСТОДААНД...........

Ҷавоб диҳед Иқтибос Шикоят

Эзоҳ илова кунед