29 ноя 2013 21:21Тоҷикистон / Сиёсат

Барканории вазири молия ва вазири нақлиёти Тоҷикистон

Сафаралӣ Наҷмуддинов бо фармони Эмомалӣ Раҳмон курсии вазири молияро холӣ карда, онро ба ихтиёри Абдусалом Қурбонов, акнун собиқ директори Директсия оид ба сохтмони иншооти ҳукуматии Дастгоҳи иҷроияи президент гузошт.

Абдусалом Қурбонов 9 феврали соли 1959 дар ноҳияи Данғараи вилояти Хатлон таваллуд шуда, соли 1982 Донишкадаи политехникии Тоҷикистонро бо ихтисоси муҳандис – сохтмончӣ, соли 1999 Донишкадаи андоз ва ҳуқуқро бо ихтисоси иқтисодчӣ ва соли 2010 Академияи хизмати давлатии назди президенти Русияро бо ихтисоси молия, андоз ва қарз хатм намудааст.

Вай солҳои 1995-2006 дар вазифаҳои нозири калон, муовини сардор, сардори нозироти андози ноҳияи Данғара кор кардааст. Аз моҳи феврали соли 2006 то ҳол дар вазифаи раиси Диретксия оид ба сохтмони иншооти ҳукуматии Дастгоҳи иҷроияи президенти Тоҷикистон кор мекард. Барои фаъолияти меҳнатиаш бо ордени “Шараф” дараҷаи 1 сарфароз гардидааст.

Сафаралӣ Наҷмуддинов тайи 13 соли охир вазири молияи Тоҷикистон буд. Вай 62 сол дорад ва дар ноҳияи Восеи вилояти Хатлон ба дунё омадааст.

Хайрулло Асоев бошад, дар симмати вазири нақлиёт Низом Ҳакимовро иваз кард. Вай 25 марти соли 1956 дар ноҳияи Файзобод таваллуд шуда, соли 1978 Донишкадаи политехникии Тоҷикистонро бо ихтисоси муҳандис-сохтмончӣ ва соли 1988 Мактаби олии Ҳизби коммунисти шаҳри Тошкандро бо ихтисоси ташкилотчии ҳизбӣ хатм кардааст.

Аз соли 2009 дар мақоми муовини аввали директори генералӣ ва аз моҳи январи соли 2010 то ҳол дар мақоми директори генералии Ҷамъияти саҳомии шакли кушодаи “Роғунгэсстрой” фаъолият дошт. Узви Маҷлиси Миллӣ мебошад.

Низом Ҳакимов тайи бештар аз 2 сол дар мақоми вазири нақлиёт фаъолият дошт. Ӯ 4 октябри соли 1962 дар ноҳияи Ленин (ҳозира Рӯдакӣ) ба дунё омада, соли 1983 Донишгоҳи давлатии Тоҷикистонро бо тахассуси иқтисодчӣ (баҳисобгирии бухгалтерӣ) ва соли 2007 Донишгоҳи техникии Тоҷикистон ба номи академик Осимиро бо ихтисоси муҳандис-сохтмончӣ (роҳҳои автомобилгард ва бандарҳои ҳавоӣ) хатм кардааст. Оқои Ҳакимов тӯли солҳои 2001-2011 директори иҷроияи Маркази татбиқи лоиҳаҳои таҷдиди роҳҳо буд.

Мӯҳр

Хабарҳои монанд:

ронанда

Низом Хакимовро бехуда гирифтаанд мутахасиси хуб буд мумкин ягон "камбуди"карда бошад бечора.

Ҷавоб диҳед Иқтибос Шикоят

Никулин

Вах ин Акаи Абдусалома воротники куртааш чанд бошад

Ҷавоб диҳед Иқтибос Шикоят

хакдод

Аз ин вазири сохтмончи, ки кораш лою хишту чубу санг аст, хамон вазири донишманди ба нафакарафта бехтар буд.

Ҷавоб диҳед Иқтибос Шикоят

ДОШ

БЕХТАРИН ИНСОН! АКОИ НИЗОМ ХАКИМОВ ГАП ДАР ВАЗИФА НЕСТ ДАР ИНСОН АСТ! ИНСОНИ ХУБ МОНЕД! АЗ ВАЗИФА ГИРИФТАНИ ШУМО,,,,,,,,,,,,,,,

Ҷавоб диҳед Иқтибос Шикоят

хонанда

ман хело гамгин шудам ки чунини шахси бомаърифатро аз рохбари дур намудаанд афсус ман бо ин шахс шинос хам набудам аммо шунидам аз чандин нафарон бо маърифат ва рохбари бехтарин буд Низом Хакимов

Ҷавоб диҳед Иқтибос Шикоят

Гайратшо

Низом Хакимов дар хакикат хамчун инсон ва хамчун Вазир бехтарин буд дар ин вазифа. Бо зердастонаш муомилаи хуб дошт,чихати одамгарияш хам дар сатхи баланд буд.Кордони хирфаи ва бомаърифат.

Ҷавоб диҳед Иқтибос Шикоят

Эзоҳ илова кунед