14 ноя 2013 15:38Тоҷикистон / Дидгоҳи хос

Кӣ дуғи худро турш гуфта, ки Комиссариатҳои ҳарбӣ гӯянд?

НӮФАРН-4

Сухангӯи Вазорати дифои Тоҷикистон гуфтааст, баъди хабар ёфтан аз қазияи Абдумалик Абдурасулов, як сокини Душанбе, ки мегӯяд, ҳангоми “облава” латту кӯб шудааст, ба 4 комиссариати ҳарбии пойтахт муроҷиат намуда, аммо чизе рӯшан нашудааст. Шарҳи сухангӯи Вазорати дифоъро дар мавриди ин қазия хонда, муроҷиати ин ниҳод ба масъулини Комиссариатҳои ҳарбии шаҳри Душанберо тасаввур кардам.

Муроҷиат ба Комиссариати ҳарбии ноҳияи Сино:
-Салом.
-Салом.
-Ҳамон писаракро шумо латту кӯб кардед?
-Не, ака. Мо ягон касро назадем.

Муроҷиат ба Комиссариати ноҳияи Исмоили Сомонӣ:
-Салом.
-Салом.
-Як писарак мегӯяд, вақти “облава” маро задаанд.
-Не, ака, мо нестем. Мо “облава” намекунем.

Муроҷиат ба Комиссариати ҳарбии Фирдавсӣ:
-Салом.
-Салом.
-Дар бораи латту кӯби ҳамон писарак ягон чӣ медонед?
-Не, мо назадем ягон касро.

Муроҷиат ба Комиссариати ҳарбии Шоҳмансур.
-Салом.
-Салом.
-Мегӯянд, як писаракро латту кӯб кардаанд...
-Намедонам. Мо ягон касро назадем.

Шояд ин муроҷиат дигар хел сурат гирифтааст. Аммо муҳим ин ки натиҷа як аст: “Ҳеч кас ин хел одамро латту кӯб накардааст”.
Мо дар ягон кишвари фавқуллода зиндагӣ намекунем, ки дар он одамони ростқавлтарини сайёра ба сар баранд. Момоям мегуфт, “ҳеч кас дуғи худро турш намегӯяд”. Кадом масъули Комиссариати ҳарбӣ бо як муроҷиат зуд мегӯяд, ки “узр, ҳамин бачаҳо нақшаро пур кунем гуфта, камтар аз ҳад “гузарондаанд”?

Онҳо чанд сол аст, ки бо вуҷуди шаҳодати даҳҳо нафар будани худи “облава”-ро комилан рад мекунанду аз куҷо иқрор мешаванд, ки ҳангоми даъвати иҷборӣ аз кӯча касеро зери мушту лагад гирифтаанд? Ҳеч хушбин нестам, ки омилони ин латту кӯб пайдо шаванд. Мисли даҳҳо ҳолати дигар ин ҳам ба гӯшаи фаромӯшӣ меафтад, аммо ҳеч гоҳ осори он аз қалби волидон ва худи ин ҷавон зудуда намешавад. Доғи сиёҳ ҳамеша боқӣ хоҳад монд.

Шояд муроҷиати пайвандони ин ҷавон мисли муроҷиати масъулини вазорат чизеро ошкор накунад, аммо аминам, ки муроҷиат ба Худованд дар мавриди ҷазои сазовор гирифтани омилони латту кӯб беҷавоб нахоҳад монд.

Мӯҳр

Хабарҳои монанд:

Акмал

Худаш барои як республикаи кашшок армия калон чи даркор? Хурондаву пушонида ки натавонед, силову мухимот, ва техникаи харбиро аз дигарон металбед, ин гуруратон а кучо?? Фарзандои мардуми бечрораро ду соли умраша бехуда мезунед, аз ин урдуи шумо бачахо маризу, сар вайрон бармегардан. Хуб нест ки дар Точикистон як армияи касби, довталабона бошад?

Ҷавоб диҳед Иқтибос Шикоят

Юсуф

Сараввал муддати хизмати аскариро то ба як сол кам кардан даркор. Пас аз он марҳила ба марҳила ба хизмати шартномавӣ гузаштан мумкин. Аз шунидани ман дар давлати ҳамсоя - Ӯзбакистон - чанд сол боз ба хизмати як сола гузаштаанд. Мегӯянд, чун барои аскарбачаҳо дар ҳаҷми 100 доллари амрикои маош дода мешавад, хоҳишмандони сарбоз шудан хеле зиёданд. Вале интихобан ба аскарӣ мегирифтаанд. Намунаи хеле омӯхтанӣ!

Ҷавоб диҳед Иқтибос Шикоят

Хисрав

Худованд донотар аст!

Ҷавоб диҳед Иқтибос Шикоят

Tahmina

Az mablaqi ki komisariatho mesozand chizi nanavishted. Agar hisob kunem ki dar har dar sol nazdek ba 10000 javon ki az xonavodhoayi miyon-iqtisodi xizmati harbiyi xudro ba tariqi rishva mexarand ba haddi miyona har kidom $1000, hisob keuned: 10000 x $1000 =$10 million. In sum (yo har chaqadar ki boshad) dar somkayi ki meravad? Va charo hech kas baroyi rishvagiri az maqomi komisariyayi harbi ixroj nashuda, ba sud kashida nashuda va dar zindon uftoda nest?!Акмал,

Ҷавоб диҳед Иқтибос Шикоят

хусайн

То ислохоти харби нашавад вазъ бех намешавад.ин "облава"нишони афзоиши фасод ва коррупсия дар вазорати мудофиа аст

Ҷавоб диҳед Иқтибос Шикоят

Эзоҳ илова кунед