ВИДЕО: Мастер Исмайл аз мухлисонаш хост, дар додгоҳ ҳақталошӣ кунанд

Мастер Исмайл (M.One), репсарои тоҷик, аз болои маъмурияти толори консертии "Москва hall" ва муҳофизони он, ба додгоҳи шаҳри Маскав муроҷиат карда, аз мухлисонаш низ хостааст, барои дифои ҳуқуқҳои худ аз ин кори ӯ пайравӣ кунанд.

Мастер Исмайл дар лағви консерташ дар Маскав, ки бегоҳи 10-уми ноябр дар пайи истифодаи гази заҳролуд рух дод, маъмурияти "Москва hall"-ро айбдор мекунад ва 10 миллион рубл ҷуброни зарар мехоҳад.

Мастер Исмайл дар шабакаи иҷтимоии “Вконтакте” дар муроҷиат ба мухлисонаш, ки рӯзи 10-уми ноябр дар толори "Москва hall" будаанд, таъкид мекунад, ки “мо дар якҷоягӣ метавонем ба пойдории ҳуқуқи худ дастёб шавем”.

Ӯ аз зарардидагон даъват намудааст, ки дар давоми се рӯз дар нуқтаи наздиктарини тиббӣ оиди заҳролуд шудани худ маълумотнома гиранд, чун “газ дар хуни инсон то се рӯз боқӣ мемонад”. Бо ин роҳ Мастер Исмайл ният дорад, дар додгоҳ ғалаба ба даст орад.

Консерти Мастер Исмайл, бегоҳи 10-уми ноябр дар Маскав, чанд лаҳза пас аз оғозшавӣ дар пайи истифодаи гази заҳролуд манъ гардид. Худи Мастер Исмайл дар суҳбат бо шабакаи телевизионии “Москва-24” қазияи қатъи консераташро чунин шарҳ додааст:
Мӯҳр